Xerox nie płanuje kuplać MTS 1

Kampanija Xerox nie płanuje nabyvać dziaržaŭnuju dolu ŭ STAA «MTS». Ab hetym paviedamiŭ kiraŭnik pradstaŭnictva Xerox u Biełarusi Alaksandr Šviec.

«Kampanija Xerox nie źbirajecca nabyvać dziaržaŭnuju dolu ŭ biełaruskim apieratary sotavaj suviazi. Jakich-niebudź pierahavoraŭ nakont hetaha my nie viadziom», — zapeŭniŭ kiraŭnik pradstaŭnictva.

Pradstaŭnictva kampanii Xerox u Biełarusi było pradstaŭlena 2 listapada na prezientacyi, pryśviečanaj prodažu prynaležnaj dziaržavie doli ŭ statutnym fondzie STAA «MTS».

U mierapryjemstvie taksama ŭdzielničali pradstaŭniki bankaŭskich struktur (Bielinviestbanka, Biełarusbanka, BPB-Aščadbanka, Banka ZHB i inš.) i telekamunikacyjnych kampanij — ZP «Vełkom» i hrupy kampanij Turkcell, delehacyja jakoj była najbolš šmatlikaj.

Prezientacyja była nakiravana na pošuk patencyjalnych pakupnikoŭ doli biełaruskaha apieratara sotavaj suviazi. Dziaržava płanuje pradać dolu 51 pracent statutnaha fondu pradpryjemstva minimum za $1 młrd.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH