Albomy «Pres-fota Biełarusi» zatrymali na biełaruska-litoŭskaj miažy
42 asobniki za 2011 hod vyniali dla ekspertyzy na mytnym punkcie «Kamienny łoh».
Pra heta radyjo «Svaboda» paviedamiła Julija Daraškievič, fatohrafka j arhanizatarka konkursu «Pres-fota Biełarusi». 42 albomy za 2011 hod vyniali dla ekspertyzy na mytnym punkcie «Kamienny łoh».
Daraškievič: «Mytniki pahladzieli, što ŭ albomie jość fotazdymki, i vyrašyli albomy vyniać, kab pravieryć, ci niama tam jakoj infarmcyi, jakaja škodzić biełaruskaj dziaržavie».
Julija Daraškievič kaža, što hetyja albomy byli vydadzieny całkam lehalna i ŭsie myty na ich daŭno spłačanyja.
«My trymajem peŭnuju kolkaść albomaŭ za miažoj, bo časta arhanizoŭvajem tam vystavy „Pres-fota Biełarusi“. My kazali mytnikam, što dakumenty na ŭvoz hetych albomaŭ u Biełaruś užo jość u ich bazie, ale jany nie zmahli ŭ siabie heta paćvierdzić».
Albomy «Pres-fota Biełarusi» ŭžo adnojčy vymalisia dla ekspertyzy dva hady tamu. Ich viarnuli praź miesiac.
«Presfota Biełarusi» — heta adkryty niezaležny konkurs pres-fatahrafii ŭ Biełarusi. Jon pravodzicca štohod.
Ciapier čytajuć
Jak siońnia žyvuć Kuźniečyki, jakija amal dva hady chavalisia ŭ pasolstvie Šviecyi, kab nie trapić u kipciury siłavikoŭ?3
Kamientary