DTZ ź pierakulvańniem aŭtamabila adbyłosia la aŭtavakzała ŭ Hrodnie ŭ hadzinu pik, u vyniku ŭ centralnaj častcy horada ŭtvarylisia zatory, paviedamiŭ načalnik adździaleńnia ahitacyi i prapahandy UDAI UUS Hrodzienskaha abłvykankama Jaŭhien Dudko.
Kiroŭca «žyhuloŭ» rabiŭ pavarot na skryžavańni, u hety momant sprava nabližaŭsia «Dodž».Abiedźvie mašyny jechali na zialonaje śviatło, adnak pry manieŭry kiroŭca «žyhuloŭ» nie prapuściŭ sustrečny miniven. Paśla ŭdaru ŭ pravyja dźviery «žyhuli» adlacieli, pierakulilisia i zadymilisia. Ratavalnikam pryjšłosia zalić mašynu pienaj. U druhoha aŭtamabila paškodžany bampier i kapot.
Miedycynskaja dapamoha zapatrabavałasia tolki pasažyru «žyhuloŭ». U sałonie «Dodža» pieravozili dzicia ŭ dziciačym aŭtakreśle. U hetaj mašynie nichto nie paciarpieŭ.
Kamientary