Frunzienskim (Minska) rajonnym adździełam Śledčaha kamiteta raspačata niekalki kryminalnych spraŭ za rabavańnie, učynienaje hrupaj asob, z pahrozaj prymianieńnia nasilla na padstavie č. 2 art. 206 KK u dačynieńni da padletkaŭ 1995, 1996 i 1997 hadoŭ naradžeńnia.
Jak paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ, ustanoŭlena, što padazronyja, dziejničajučy jak minimum dźviuma hrupami, u kastryčniku i listapadzie ŭčynili niekalki majomasnych złačynstvaŭ u dačynieńni da taksama niepaŭnaletnich.
U pryvatnaści, pryličvajučy siabie da fanataŭ viadomych biełaruskich futbolnych kłubaŭ, padletki praź internet znajomilisia ź inšymi niepaŭnaletnimi fanatami, pryznačali im sustrečy kala stancyj mietro i ŭ restaranie «Makdonalds» na vulicy Prytyckaha z prapanovaj kupli elemientaŭ adzieńnia z atrybutami kłubaŭ.Nasamreč pry sustrečy, pahražajučy prymianieńniem nasilla, jany zavałodvali šalikami, šapkami, majkami i bajkami z kłubnaj atrybutykaj, paśla čaho abmieńvalisia imi adzin z adnym jak «trafiejami».
Niekatoryja padazravanyja źmieščany ŭ izalatar časovaha ŭtrymańnia, astatnija adpuščany pad abaviazacielstva ab jaŭcy. Viadziecca śledstva.
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1111
Kamientary