Načalnik Antyterarystyčnaha centru KDB: za vykradzienuju ŭ Nihieryi nielha płacić
I jejnamu bratu niama čaho tudy jechać.
Praciahvajucca pieramovy z vykradalnikami hramadzianki Biełarusi Iryny Ekpa‑Uma, paviedamiŭ BiełaPAN pres‑sakratar centralnaha ofisa kampanii «Kompas hrup» Krys Kinh. «Praz urad Nihieryi my praciahvajem pieramovy z vykradalnikami», — skazaŭ jon. K.Kinh nie staŭ kamientavać chod pieramoŭnaha pracesu i mahčymaść vypłaty kampanijaj vykupu, patłumačyŭšy, što heta moža niehatyŭna adbicca na pieramovach.
Pres‑sakratar taksama zaznačyŭ, što vykradańnie supracoŭnika z metaj atrymańnia vykupu adbyłosia ŭpieršyniu za ŭsiu historyju kampanii.
Pavodle słoŭ brata vykradzienaj žančyny Aleha Hivoina, pradstaŭniki ofisa kampanii ŭ Nihieryi prapanavali jamu pryjechać u hetuju krainu, kab niepasredna nazirać za raźvićciom padziej pa vyzvaleńni I.Ekpa‑Uma.
Jak zajaviŭ 8 maja ŭ intervju ahienctvu Interfaks načalnik antyterarystyčnaha centra KDB Biełarusi Aleh Čarnyšoŭ, za vykradzienuju hramadzianku Biełarusi nielha płacić vykup. «Jość vypadki, kali paśla atrymańnia vykupu vykradzienaha čałavieka viartajuć, takija vypadki byli, naprykład, u Čečni, ale heta paradžaje nastupnyja złačynstvy padobnaha kštałtu», — skazaŭ jon. A.Čarnyšoŭ taksama vykazaŭ dumku, što bratu I.Ekpa‑Uma nie varta jechać u Nihieryju. «U pramyja pieramovy jamu ŭstupać niama nijakaha sensu. Ich viaduć prafiesijanały, jakija razumiejuć, čym jany ryzykujuć. U advarotnym vypadku daviadziecca płacić za dvuch čałaviek zamiest adnaho», — skazaŭ A.Čarnyšoŭ.
Nahadajem, I.Ekpa‑Uma była vykradziena 5 maja ŭ horadzie Port‑Charkort. Žančyna źjaŭlajecca adnym z kiraŭnikoŭ kampanii «Whassan Eurest Nigeria Limited», jakaja zajmajecca zabieśpiačeńniem naftazdabyčy. Jana ŭziała šlub z hramadzianinam Nihieryi, kudy vyjechała na pastajannaje miesca žycharstva ŭ 1989 hodzie.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana13
Kamientary