U aŭtaškołach Biełarusi — kanflikty j strajki

Na hetym tydni ŭ Słonimie admovilisia pracavać instruktary aŭtaškoł. Nastaŭniki aŭtaamataraŭ patrabujuć spraviadlivaj apłaty pracy. Tłumačać, što na siońnia ich siaredniemiesiačny zarobak nie pieravyšaje 200 tysiač rubloŭ. U vyniku niaredka instruktary zvalniajucca z pracy.

Žycharka Słonimu Alena Anikiej užo treci miesiac naviedvaje miascovuju aŭtaškołu DTSAAF. Kaža, što za navučańnie zapłaciła 589 tysiač rubloŭ. Akramia taho, 100 tysiač patraciła na benzin. Bo kožny kursant sam musić zapraŭlać vučebny aŭtamabil.

«Pa‑pieršaje, tut pierabor u hrupach. U nas hrupa — 30 čałaviek. Dźvie hrupy pa 30 čałaviek. Kali paličyć: 60 čałaviek płaciać pa 600 tysiač rubloŭ. Ale ŭ instruktaraŭ zarobak nizki. Tolki pa 191 tysiačy rubloŭ im naličana».

Čamu ž, majučy štomiesiac 12 miljonaŭ rubloŭ, aŭtaškoła ŭtrymlivaje instruktaraŭ, jak havorycca, na paŭhałodnym pajku? »U nas ničoha nie zastajecca dla svaich ludziej!»Razvažaje staršynia

Słonimskaha DTSAAF Siarhiej Bačaroŭ:

«Voś pastanova Saŭminu №34 ad 01.2006 hodu, dzie vyznačanyja košt navučańnia aŭtaamatara — 585 tysiač rubloŭ. Addali padatki, zapłacili za elektryčnaść, za pasłuhi suviazi, za vadu. I usio! U nas ničoha nie zastajecca dla svaich ludziej».

Dyrektar Bačaroŭ imkniecca pierakanać: jaho aŭtaškoła — lepšaja ŭ rehijonie. Naprykład, bolš jak 80 pracentaŭ vypusknikoŭ zdajuć ispyty ŭ DAI ź pieršaj sproby. Tamu spadar Bačaroŭ nie zadavoleny apłataj pracy svaich padnačalenych.

«Chiba možna žyć z takim zarobkam? U kramu zajści — sama mieniej 50 tysiač rubloŭ treba zapłacić, a ŭ sumcy — ledź‑ledź dy kryšačku. A treba ž ludziej vučyć, śpis žadajučych da navučańnia pavialičvajecca. «Minimałka» byccam by ź 1‑ha červienia pavialičvajecca. Voś jak nam być!?».

Aŭtaškoły pracujuć sa stratami

Spraŭdžvaju sytuacyju ŭ rehijonie.

«Usiudy — i ŭ Miensku takaja ž sytuacyja, — infarmuje finansist Haradzienskaha DTSAAF Halina Zujonak. — Va ŭsiej Biełarusi vyznačyli adziny košt. Zrabili dla ludziej, kab jany mienš płacili. A čamu musić arhanizacyja, što navučaje aŭtaamataraŭ, pracavać sa stratami? Pra heta nichto nie dumaje».

U sieradu ŭ Miensku prajšło pasiedžańnie prezydyjumu Centralnaj Rady DTSAAF. U rehijonach čakali vyniki abmierkavańnia «haračaj» temy. Ale voś, što ja pačuŭ u adkaz na sprobu vyśvietlić pytańnie ŭ kancylaryi ŭstanovy:

«Prezydyjum zakončyŭsia. Usie vyjaždžajuć na prezentacyju filma «VajenTV». Usio! Ja — jedu».

Viačasłaŭ Kulik, Miensk

• 0
• 0
• 0
• 0
• 0
• 0
• 0
• 0