Raspačałasia padrychtoŭka da pryvatyzacyi najbujniejšaha mašynabudaŭničaha pradpryjemstva. Ministerstva pramysłovaści supraciŭlajecca. Inšaje mienskaje pradpryjemstva, «Motavieła», taksama čakaje investara.
Dziaržkamitet pa majomaści ličyć metazhodnymi plany pa akcyjanavańni pradpryjemstva. Ministerstva pramysłovaści ŭ svaju čarhu vystupaje kateharyčna suprać pryvatyzacyi MAZu. Tym nie mienš, apošniaje słova zastajecca za prezydentam.
Tym časam, eksperty miarkujuć, što pryvatyzacyja Mienskaha aŭtazavodu nie adbudziecca ŭ bližejšaj perspektyvie. Ciapier u poli ŭvahi znachodziacca pradpryjemstvy, što nieminuča sutyknucca z ekanamičnymi prablemami ŭ vypadku straty dziaržpadtrymki. Važniejšaj umovaj chutkaj pryvatyzacyi jość taksama najaŭnaść zacikaŭlenaha investara.
Namieśnik ministra pramyłovaści Valancin Hurynovič nia maje pakul infarmacyi pra patencyjnych pakupnikoŭ MAZu. Pa jaho słovach plany pa pryvatyzacyi zavodu isnujuć užo 10 hod, ale pakul nie dajuć plonu. Namieśnik ministra nia peŭny, što źmiena ŭłaśnika niešta źmienić u stanoviščy pradpryjemstva.
Inšaje mienskaje pradpryjemstva, «Motavieła», taksama čakaje investara. Tut skłałasia zusim nia prostaja sytuacyja — rentabelnaść pradpryjestva składaje minus 10%, z pačatku hodu vyrablena ŭsiaho 115 adzinak mapedaŭ pry hadavym planie 4,5 tys. adzinak. Niekalki dzion kalektyŭ zavodu znachodzicca ŭ vymušanym adpačynku. Ciapier na akcyi pradpryjemstva pretendujuć dva investara — biełaruski «Amkador» i rasiejskaja firma, čyja nazva pakul trymajecca ŭ sakrecie. Nahadajem, što zhodna z ukazam prezydenta ad 30 śniežnia 2005 h. AAT «Motavieła» było viernutaje dziaržavie za zapazyčanaści. Paśla ich poŭnaha pahašeńnia dola dziaržavy ŭ statutnym fondzie pradpryjemstva składzie 99,9%.
Ilustracyja maz.by
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»12
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary