PIERŠY NUMAR ČASOPISA «ARCHE»
Vyjšaŭ pieršy numar časopisa «ARCHE». U numary — raman Vitolda Hambroviča «Parnahrafija», naveły z «Novaha damavikameronu» Adama Hlobusa, ese Jevy Sys «Hlobus Biełarusi» i Valerki Bułhakava «Hienij Łukašenki», a taksama «Vaładarskaja balada» Paŭła Sieviarynca, intelektualnaja čytanka: teksty Ŭmberty Eki, Valtera Benjamina, Petera Słoterdajka, Žana Badryjara, Lešaka Kałakoŭskaha, razvahi Kšyštafa Čyžeŭskaha nad kompleksam siarednieeŭrapiejca i Aksany Zabužko nad kompleksam ukrainca. Pobač z skandalnaj prozaj Hary Metjuza ŭ šykoŭnym pierakładzie Judala Marholina novyja tvory Volhi Karatkievič, Maryi Roŭdy, Natałki Babinaj i Jevy Viežnaviec, vieršy Daliły Samasys i pieśni Janki Cienia, hieapalityka vusnami Źbihnieva Bžezinskaha, dziońnikavyja zapisy. Vialiki farmat, dobry druk.
Časopis možna nabyć u biełaruskich kniharniach, šapikach, fondzie «Naša Niva», a taksama zamović u redakcyi poštaj (180.000 + košt pierasyłki, Miensk, 220018, a/s 3).
Dyskusii z nahody vyjścia pieršaha numaru z udziełam aŭtaraŭ i redakcyjnaha aktyvu adbuducca:
10 listapada, aŭtorak, 18.30 — Biełaruski kalehijum (zala biblijateki imia Janki Kupały, vuł. Charužaj, 16);
13 listapada, piatnica, 19.00 — Maładziožny infarmacyjny centar (Daraševiča, 4-2);
19 listapada, čaćvier, 20.00 — siadziba BNF (Varvašeni, 8);
BDU, fiłfak, katedra zamiežnaj litaratury — śniežań;
9 śniežnia, sierada, 18.30 — Mienski dziaržaŭny linhvistyčny ŭniversytet (Zacharava, 21, aŭd. B-201).
Prychodźcie da «ARCHE». My majem što skazać.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»56
Kamientary