Na viasielny vobraz, jaki vypramieńvaŭ hłamur 70-ch, śpiavačku, vidavočna, natchniła Bjanka Džahier.
30‑hadovaja pop-zorka Dua Lipa vyjšła zamuž za Kałuma Ciorniera ŭ Łondanie ŭ ratušy Ołd-Merylebon. Heta zdaryłasia 30 maja, piša Daily Mail.
36‑hadovy abrańnik śpiavački — adzin z hałoŭnych pretendentaŭ na rolu Džejmsa Bonda.
Napiaredadni ich trochdzionnaha italjanskaha śviata para praviała kamiernuju aficyjnuju cyrymoniju. Dua Lipa była ŭ kaściumie sa spadnicaj ad Schiaparelli, biełych palčatkach, karalach ad Bulgari i kapielušy z šyrokimi palami, stvoranym madeljeram Styvienam Džonsam.
U rukach jana trymała žoŭty bukiet i była ŭ biełych tuflach na abcasach ad Louboutin, kali vychodziła z ZAHSa. Kałum byŭ u elehantnym prytalenym ciomna-sinim kaściumie.
Na viasielny vobraz, jaki vypramieńvaŭ hłamur 70-ch, śpiavačku, padobna, natchniła Bjanka Džahier. Kali byłaja aktrysa Bjanka vychodziła zamuž za lehiendu muzyki Mika Džahiera ŭ 1971 hodzie, na joj byŭ bieły smokinh ad Yves Saint Laurent, doŭhaja šaŭkovaja spadnica kosaha kroju i vialiki kapialuš.
Jašče da cyrymonii insajdary nazyvali šlub hetaj pary «šou-biznes-viasiellem hoda», a taksama samym hučnym šlubam na Sicylii z taho času, jak Majkł Karleone ŭ vykanańni Al Pačyna ažaniŭsia z Apałonijaj Viteli ŭ kłasičnym filmie «Chrosny baćka» 1972 hoda.
Na śviata hrošaj nie škadavali: paviedamlajecca, što para zabraniravała ceły pavierch ź luksami ŭ raskošnym hateli Villa Igiea ź vidam na Tyrenskaje mora. Sama cyrymonija projdzie ŭ vile XVII stahodździa Villa Valguarnera — badaj, samaj pyšnaj ź vił u Bahieryi.
Siarod muzyčnych zorak, jakija pavinny naviedać imprezu, značacca ser Ełtan Džon, Mark Ronsan i Charli XCX, a ad śvietu mody — Danateła Viersače i Simon Port Žakmius.
Miarkujecca, što pierad viasiellem Dua jeździła ŭ Italiju na sustreču z Danatełaj, kab uzhadnić detali sukienki, jakuju dyzajnierka šyje dla jaje važnaha dnia. Dziakujučy jaje daŭniamu siabroŭstvu z madeljeram, siabry ŭpeŭnieny, što Dua budzie ŭ ekskluziŭnaj sukiency ad Atelier Versace.
Ciapier čytajuć
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4040
Kamientary
Red. bankiet adbudziecca na nastupnym tydni! Rychtujciesia!
[Zredahavana]