Siamion Šarecki:
Siłaju moža vyrašać tolki narod
My paprasili staršyniu Viarchoŭnaha Savietu 13-ha sklikańnia Siamiona Šareckaha prakamentavać apošnija intehracyjnyja inicyjatyvy.
Patuhi da intehracyi — heta šavinistyčnaja palityka, jakuju Rasieja ź siaredniaviečča pravodzić da Biełarusi. Što tyčycca biełaruskaha boku, dyk Łukašenka z samaha pačatku svajho kiravańnia imknuŭsia stvaryć novuju imperyju. Tamu jon nikoli nia budzie zajmacca Biełarusiaj, kab tut palepšyć spravy. Nivodny dyktatar nikoli nie namahaŭsia stvaryć pryjmalnaje hramadztva ŭ svajoj krainie, kab ekanomika zabiaśpiečvała patreby ludziej.
Na žal, ludzi nia bačać niebiaśpieki. Nia bačać, što budzie ź biełarusami, kali Biełaruś źniknie jak dziaržava. Ekanamična intehracyja taksama ničoha nie palepšyć. Toj kryzys, jaki ŭ Rasiei siońnia, nia źniknie ad taho, što Biełaruś dałučycca da Rasiei. Naadvarot, jon tolki pahłybicca, i źjaviacca novyja prablemy nacyjanalnaha charaktaru. Ja pytajusia: niaŭžo Rasiei mała adnaho Kaŭkazu? Niaŭžo kiraŭniki Rasiejskaj Federacyi nia viedajuć, što adbyvałasia paśla dałučeńnia Biełarusi da Rasiejskaj imperyi? Historyja biełaruskaha naroda — heta historyja peryjadyčnych vojnaŭ za niezaležnaść. Kali biełarusy buduć dałučanyja da Rasiejskaj impieryi, jany ž nikoli z hetym nia źmiracca i zaŭsiody buduć vieści baraćbu za niezaležnaść. Ale ja dumaju, što rozum voźmie vierch. Ludzi pavinny bačyć, što ŭ śviecie jdzie zusim inšaja tendencyja — demakratyzacyi hramadztva. I pry hetym nia tolki kožny čałaviek patrabuje bolšych pravoŭ, ale j kožny narod choča być samastojnym dy mieć svaju dziaržavu. Tolki dziaržaŭnaść dazvalaje narodu realizavać usie svaje nacyjanalnyja jmknieńni i vykarystać svaje pravy. Tamu, kali chto choča dałučyć Biełaruś da Rasiei, jon vystupaje suprać zakonaŭ raźvićcia suśvietnaj historyi.
Što tyčycca realnych krokaŭ, jakija možna rabić u siońniašniaj sytuacyi, dyk tut usie budzie zaležać ad biełaruskaha naroda dy mižnarodnaj supolnaści. Siłaju moža vyrašać pytańni tolki narod.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary