LISTY Ŭ REDAKCYJU
Śviata Niezaležnaści ŭ Vałmijery
Uhodki abviaščeńnia niezaležnaści Biełarusi byli adśviatkavanyja ŭ łatyskim mieście Vałmijery. Ad 26 lipienia da 15 žniŭnia tut prachodzić Bałtyjskaja letniaja škoła, zładžanaja miascovym universytetam. U joj navučajucca studenty z Švecyi, Aŭstryi, Aŭstralii, Belhii, ZŠA, Finlandyi, Danii, Narvehii, a hetaksama z Polščy, Ukrainy j šaściora — ź Biełarusi. Biełaruskaja tematyka stałasia asnoŭnaju ŭ hetyja dni ŭ Vałmijery, bo padziei ŭ našaj krainie dla bolšaści ci niezrazumiełyja ci nieviadomyja. Eŭrapiejskaja moładź ź vialikim zacikaŭleńniem stavicca da infarmacyi pra Biełaruś, tamu śviata biełaruskaje Niezaležnaści było pryjemnaju niečakanaściu j dobraju nahodaju raskryć vočy zamiežnikam na terra insognita ŭ centry Eŭropy.
27 lipienia pierad budynkam Bałtyjskaje letniaje škoły byŭ uźniaty biełaruski nacyjanalny ściah, a ŭviečary zładžanaja śviatočnaja impreza ź biełaruskimi nacyjanalnymi stravami j śpievami. Pierad pačatkam party hości ź vialikim uzrušańniem słuchali, jak pradstaŭniki našaje krainy śpiavali biełaruski nacyjanalny himn «Pahonia». Najbolšy śled pakinuŭ padarunak vialikaje švedzkaje hrupy — jany prezentavali bieł-čyrvona-biełyja ružy j ščyra vykazalisia z padtrymańniem biełarusaŭ u ichnym imknieńni da svabody.
Viktar Muchin, Vałmijera
***
Takoje ŭražańnie, što nacyjanalnych śviataŭ jak takich u biełarusaŭ amal niama. Viadoma, jość šmat dataŭ, jakija my adznačajem (Dzień Voli, Dzień Niezaležnaści, Słucki Zbrojny Čyn, Dzień Bitvy pad Voršaj i inš.). Ale časta hetyja daty — nahoda dla palityčnaj akcyi. Kažuć nia «Siońnia śviata», a «siońnia mitynh». Ludzi prychodziać na mitynh, ale redka pačuješ adzin ad adnaho: «Vinšuju!» Mała chto chodzić na demanstracyi z šarykami ci muzykaj. Dy što ja pra demanstracyi? Treba zamaŭlać muzyčnyja vinšavańni znajomych sa śviatam (kali niemahčyma ŭkazać nazvu śviata, dyk možna chacia b datu — znajomy zrazumieje). Hety dzień, urešcie, možna adznačać u kampanii za śviatočnym stałom.
Dobra, što 80-hodździe BNR było z šarykami i niečym padobnym na śviatočny arkiestar, niadaŭni dzień Niezaležnaści — z harmonikam dy skokami. Ale takoje zdarajecca redka.
Vital Stanišeŭski, Miensk
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary