Rasieja zrabiła krok u centar
Rasieja prahałasavała za pierajemnaść palityki reformaŭ. U Dumu ŭvojduć byccam 6 partyjaŭ. Upieršyniu za doŭhija hady źmianiłasia psychalahičnaja sytuacyja: kamunisty bolš nie ŭsprymajucca jak najmacniejšaja palityčnaja siła. Jak i va Ŭkrainie, hetaja partyja zastajecca partyjaj nastalhujučaj mienšaści i ŭ takim vyhladzie nia maje šancaŭ dabicca ŭłady. Heta padšturchnie jaje da bolšaj pamiarkoŭnaści i aljansu ź blizkim joj pa duchu blokam Łužkova—Prymakova, što moža dać Rasiei mocny levacentryscki blok dziaržaŭna-biurakratyčnych siłaŭ. Ź inšaha boku, pracent hałasoŭ, padadzienych za Łužkova—Prymakova — jaŭnaja paraza. Šancaŭ na prezydenctva ŭ Prymakova amal niama, i treba mierkavać, što rehijanalnyja deputaty pačnuć adździalacca ad Łužkova nieŭzabavie i dałučacca da Pucina. Šajmijeŭ užo zajaviŭ u načnym efiry, što OVR stvaraŭsia jak adziny blok tolki da 20 śniežnia.
Žyrynoŭski zastajecca. Jaŭlinski źmizarnieŭ. Razam z tym niečakana vysoki atrymaŭsia rejtynh Sajuzu Pravych Siłaŭ, za jakoha hałasavała moładź. Heta śviedčyć za toje, što na palityčnaj arenie źjaviłasia novaja chvala, jakaja moža źmianić sytuacyju i ŭ biełaruska-rasiejskich stasunkach. Bo, jak viedama, ichny lidar Kiryjenka zaŭsiody byŭ suprać sajuzu z Łukašenkam.
I badaj, hałoŭnym vynikam vybaraŭ u rasiejskuju Dumu stała toje, što ŭsiakija Baburyny, Iluchiny i Rahoziny, najbolšyja imperyjalisty i Łukašenkavy siabry, nie atrymali nijakaj padtrymki.
Hary Kumaniecki
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary