Ciapier Źmicier adbyvaje troje sutak za nadpis «Svabodu Kazulinu!», adrazu pa skančeńni jakich jaho čakaje sud za hrafici «Svabodu Ščukinu». Siońnia ž jaho sudzićmuć za niesankcyjanavanaje pikietavańnie i niepadparadkavańnie supracoŭnikam milicyi.
Źmitra Lisiejenku zatrymali prykładna a 3‑j hadzinie ranicy suboty kala administracyi Kastryčnickaha rajonu Viciebska za toje, što jon farbaj namalavaŭ na bietonnaj aharodžy nadpis «Svabodu Kazulinu!» Paśla składańnia pratakołu maładziona nakiravali ŭ izalatar časovaha ŭtrymańnia. Sud adbyŭsia dniom — biez advakata i sa śviedkami tolki z boku milicyi.
Zaraz Źmicier adbyvaje termin pakarańnia ŭ IČU i pracuje na ramoncie dy afarboŭcy płatoŭ i placu pałku darožna‑pastavoj słužby.
Na nastupny sud pa abvinavačvańniu ŭ niesankcyjanavanym pikietavańni i niepadparadkavańniu supracoŭnikam milicyi padčas pracesu nad Valeram Ščukinym u 14.30 u paniadziełak jaho dastaviać z‑za krataŭ IČU. Kali sudździa nie dadaść terminu aryštu, to Źmicier Lisiejenka vyjdzie na volu jakraz k treciamu sudu za hrafici «Svabodu Ščukinu!» na budynku UUS Viciebskaha abłvykankama.
Kamientary