Alaksandar Surykaŭ vykazaŭ spadziavańnie, što Biełaruś da kanca hodu raźličycca z Rasiejaj za haz, i namiaknuŭ, što dla atrymańnia rasiejskaha kredytu pryjdziecca papabiehać.
Ambasadar Rasiei ŭ Biełarusi Alaksandar Surykaŭ na svajoj siońniašniaj presavaj kanferencyi vykazaŭ spadziavańnie, što Biełaruś da kanca hodu raźličycca z Rasiejaj za toj haz, jaki jana sioleta pastaŭlaje ŭ Biełaruś.
Jon nahadaŭ, što za pieršaje paŭhodździe Rasieja pahadziłasia atrymlivać ad Biełarusi tolki 55 dalaraŭ za tysiaču kuboŭ. Ale ž viadoma, padkreśliŭ ambasadar, što Biełaruś pradaje haz svaim ža vytvorcam pa poŭnaj canie — za 100 dalaraŭ. Tamu hrošy ŭ biełaruskaj dziaržavy pavinny być.
Kali ž u kancy hodu ŭźniknuć niepłaciažy, čaho ambasadar nie vyklučaje, dyk sytuacyju, na jahonuju dumku, možna vypravić praz rasiejski kredyt.
Dyplamat zhadaŭ, što Biełaruś sioleta prosić u Rasiei kredyt na paŭtara miljarda dalaraŭ. Ale ŭ rasiejskim biudžecie na ŭsie kredyty dla krainaŭ SND zakładziena tolki 900 miljonaŭ dalaraŭ. Vychad, skazaŭ ambasadar, možna znajści, kali davać kredyt tranšami: prykładam, sioleta 300‑500 miljonaŭ.
***
Ambasadar Rasiei ŭ Biełarusi Alaksandar Surykaŭ siońnia na presavaj kanferencyi ŭ Miensku vykazaŭ ździŭleńnie kamentarami niekatorych biełaruskich ekspertaŭ, jakija ličać, što ŭ namiery rasiejcaŭ budavać nafta‑ i hazapravod u abychod Biełarusi jość palityčny padtekst.
«Luby vytvorca zmahajecca za «svoj» tranzyt. I heta kožnamu zrazumieła — navošta hublać ułasnyja hrošy? Tamu my i chočam, kab trubapravody išli pa rasiejskaj terytoryi. I nie patrebna aceńvać ekanomiku z pazycyi palityki», — zajaviŭ Surykaŭ žurnalistam. — «A kali razhladać usio z punktu hledžańnia biełaruskich ekspertaŭ, dyk tady ja chaču spytać ich: «A navošta mienski aŭtazavod maje svaju ŭłasnuju dylerskuju sietku ŭ Rasiei? A navošta toje samaje imkniecca zrabić traktarny zavod?»
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary