Listy ŭ redakcyju
“Česnyja” vybary
Jezuickaja aksijoma pra metu i srodki jaje dasiahnieńnia stanovicca asabliva aktualnaj napiaredadni vybaraŭ. Zdahadlivy kandydat Marozaŭ naładziŭ sustreču sa svajmi patencyjnymi vybarščykami — studentami jurfaku i fakultetu mižnarodnych adnosinaŭ BDU — prosta ŭ internacie. Ahučvać svaju prahramu sp.Marozaŭ paličyŭ, vidać, spravaj niaŭdziačnaj, tamu adrazu pierajšoŭ da hałoŭnaha. Maŭlaŭ, davajcie mianiacca: vy mnie — svoj hołas, ja vam — kvitočak na kancert “Lapisu”. Pieršymi na prapanovu adhuknulisia pieršakurśniki. Da vybaraŭ jany ŭsio adno nie daraśli (hetaha sp.Marozaŭ & company nie praduhledzieli), a na chalavu i “Lapisy” — muzyki. Potym pa biaspłatnyja bileciki paciahnulisia i starejšyja, apraŭdvajučysia pierad bolš śviadomymi siabrami tym, što vybary jany praihnarujuć. Nie pradajecca, vidać, hołas budučaha praŭnika ci dyplamata za paru tysiačaŭ. Ale, praŭdu kažučy, kab sp.Marozaŭ tyja samyja srodki patraciŭ nie na kvitki, a na ramont vadapravodu, jon by 16 kastryčnika pračnuŭsia deputatam pałaty pradstaŭnikoŭ. Nu niemahčyma ž užo treci tydzień biez haračaj vady žyć!!!
Kasia M., Miensk
Chočaš pierasialicca — hałasuj
Chaču źviarnuć vašuju ŭvahu na čarhovaje parušeńnie vybarčych pravoŭ našych hramadzianaŭ, u pryvatnaści, takoj zaležnaj ad dziaržavy ich častki, jak studenctva. Mnie zdajecca, heta nie adzinkavy vypadak — toje ž moža adbyvacca ŭ inšych VNU. Tak, u studenckim internacie BDU № 3 pravodzicca admysłovaja ahitacyja za vybary. Uvohule adnosiny da našaha brata specyfičnyja (maju na ŭvazie histaryčny fakultet BDU), bo kali inšyja fakultety sielać u adnosna narmalnyja pamiaškańni, nas adpraŭlajuć u budynak, jaki znachodzicca ŭ avaryjnym stanie. Toje ž adbyvajecca i ź miescam navučańnia. Usie srodki BDU iduć na pabudovu rektaratu, ramont fizfaku dy inšych budynkaŭ, bankiety, a my vučymsia ŭ najstarejšym pamiaškańni ŭniversytetu (z 1921 h.). I voś načalstva, vykarystoŭvajučy biezdapamožnaść studentaŭ i ciažkija ŭmovy pražyvańnia, abiacaje, byccam pierasielić usich da studzienia ŭ samy lepšy na dadzieny momant internat — ale pry ŭmovie ŭsieahulnaha i abaviazkovaha naviedvańnia vybaraŭ (dobra, što jašče nia kažuć, za kaho hałasavać).
Voś takim čynam u nas pavažajucca čałaviečyja pravy. Darečy, jak maim siabram supraćstajać hetamu cisku ŭładaŭ?
S.S., Miensk
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m99
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1414
Kamientary