500 “Pahoniaŭ”
Pieršy numar “Pahoni” vyjšaŭ dakładna 25 sakavika 1992-ha. 500-ty dniami — 25 studzienia 2001-ha. Karaciej, ź “viasny nadziejaŭ” praściakom u marazy amal bieznadziei. Zrešty, 25-ha ŭ Horadni raspačałasia adliha.
A napiaredadni, kali redakcyja z prychilnikami adznačała nahodu ŭ hatelnaj restaracyi, na praspekcie Janki Kupały, šaleła lutaja vichura. Balavali da pałovy druhoj nočy. I ŭvieś hety čas za samym blizkim stolikam “razmaŭlali” try mužčyny. Pieršaja źmiena mieła plašku “Polki” — miascovaj 40-hradusnaj, druhaja piła adno čornuju kavu, kab nia stracić pilnaści.
500-aja “Pahonia” vyjšła z reklamnym zahałoŭkam “Infarmujem, ratujem i dapamahajem”. Nižej — zdymak redakcyi, u jakoj pieravažajuć maładyja sympatyčnyja biełaruski, što śviedčyć ab žanockaści słova “Pahonia”. Svaim časam lahatyp hazety namalavaŭ S.Chareŭski, źmiaściŭšy rycara ŭsiaredzinie litary “o”. U hetkim vyhladzie jon zachavaŭsia dahetul. A pad šyldaj — na druhoj staroncy — vinšavańnie ad imia 33 hramadzkich lideraŭ Haradzienščyny, padpisanaje Siamionam Domašam. Paviedamlajecca taksama, što haradzienski prafesar A.Astroŭski na piać hadoŭ vypieradziŭ doktara Ščyhielskaha, pastaviŭšy samamu hałoŭnamu pacyjentu dyjahnaz — “mazaičnaja psychapatyja”. Pryčym svaim časam ab hetym adrazu paviedamiła “Pahonia”. Karaciej, novaje — zvyčajna ŭsiaho tolki hruntoŭna zabytaje staroje.
Siarhiej Kraŭcoŭ
Kamientary