500 “Пагоняў”
Першы нумар “Пагоні” выйшаў дакладна 25 сакавіка 1992-га. 500-ты днямі — 25 студзеня 2001-га. Карацей, зь “вясны надзеяў” прасьцяком у маразы амаль безнадзеі. Зрэшты, 25-га ў Горадні распачалася адліга.
А напярэдадні, калі рэдакцыя з прыхільнікамі адзначала нагоду ў гатэльнай рэстарацыі, на праспэкце Янкі Купалы, шалела лютая віхура. Балявалі да паловы другой ночы. І ўвесь гэты час за самым блізкім столікам “размаўлялі” тры мужчыны. Першая зьмена мела пляшку “Полькі” — мясцовай 40-градуснай, другая піла адно чорную каву, каб ня страціць пільнасьці.
500-ая “Пагоня” выйшла з рэклямным загалоўкам “Інфармуем, ратуем і дапамагаем”. Ніжэй — здымак рэдакцыі, у якой пераважаюць маладыя сымпатычныя беларускі, што сьведчыць аб жаноцкасьці слова “Пагоня”. Сваім часам лягатып газэты намаляваў С.Харэўскі, зьмясьціўшы рыцара ўсярэдзіне літары “о”. У гэткім выглядзе ён захаваўся дагэтуль. А пад шыльдай — на другой старонцы — віншаваньне ад імя 33 грамадзкіх лідэраў Гарадзеншчыны, падпісанае Сямёнам Домашам. Паведамляецца таксама, што гарадзенскі прафэсар А.Астроўскі на пяць гадоў выперадзіў доктара Шчыгельскага, паставіўшы самаму галоўнаму пацыенту дыягназ — “мазаічная псыхапатыя”. Прычым сваім часам аб гэтым адразу паведаміла “Пагоня”. Карацей, новае — звычайна ўсяго толькі грунтоўна забытае старое.
Сяргей Краўцоў
Цяпер чытаюць
65‑гадовага гамельчука асудзілі за спробу дыверсіі на чыгунцы і здраду дзяржаве. Што вядома?1
Каментары