Zbroja i karupcyja
U ananimnym materyjale “Pir padčas čumy. Ab karupcyi režymu Łukašenki”, što źjaviŭsia ŭ Internecie na minułym tydni, handlu zbrojaj pryśviečany ceły raździeł. Praŭdzivaść źviestak dakładu acanić niemahčyma, niešta ŭ im moža być praŭdaj, niešta pieradvybarnym PR'am.
Jak śćviardžajuć aŭtary hetaha dakładu, arsenał byłoj Biełaruskaj vajskovaj akruhi pierapradavaŭsia ŭ tym liku i ekstremisckim režymam. Tolki letaś, jak miarkujecca, im było pradadziena 95 tankaŭ (prykładna za 180 tys. dalaraŭ kožny, choć realnaja cana mahła b być vyšejšaju). Za apošnija paŭhodu Biełaruś, abvinavačvaje dakład, zaklučyła damovy z arabskimi krainami, palestyncami j albancami na ahulnuju sumu 600 młn. dalaraŭ. U dakładzie śćviardžajecca, što biełaruskaja zbroja traplaje na Bałkany i Blizki Ŭschod praz pasiarednictva byłoha namieśnika ministra abarony Charvatyi Liba Rožasa. Biełaruś byccam by pryciahvaje pakupnikoŭ zbroi tym, što pradaje jaje pa nižejšych za astatnija krainy SND cenach. Nazyvajecca i jašče adno imia: Vieśli Niachajčyk. Jaho zhadvajuć u suviazi z dvuma faktami, jakija nibyta mieli miesca: trenirovačnym palotam biełaruskaha prezydenckaha samalota ŭ Peru i znachodžańniem Niachajčyka ŭ Miensku na praciahu dvuch miesiacaŭ. Niachajčyka ananimny dakład nazyvaje “samaj maštabnaj fihuraj biełaruskaha i polskaha cieniavoha biznesu”. “Mienavita praź Niachajčyka, — śćviardžajecca ŭ dakładzie, — mohuć ažyćciaŭlacca asobnyja vyhodnyja ŭhody”.
“Atrymanyja z prodažu zbroi hrošy iduć u pazabiudžetny fond Łukašenki,” – śćviardžajuć ananimnyja aŭtary. Apošniaje, zrešty, pryznaŭ sam Łukašenka, vystupajučy na Ŭsiebiełaruskim narodnym schodzie.
B.T.
Ciapier čytajuć
Fienomien miedycynskaha ŭniviersiteta: kabała z raźmierkavańniem, nievialikija zarobki, ale ad abituryjentaŭ adboju niama9
Kamientary