Da ranicy 25 červienia ŭ Miensku budzie zakrytaja vulica Janki Kupały ad Maksima Bahdanoviča da praspekta Skaryny (Niezaležnaści). Niazručnaści čakajuć jak aŭtamabilistaŭ, tak i pasažyraŭ hramadzkaha transpartu.
Da ranicy 25 červienia ŭ Miensku budzie zakrytaja vulica Janki Kupały ad Maksima Bahdanoviča da praspekta Skaryny (Niezaležnaści). Aŭtamabilisty ŭžo rynulisia na paralelnyja vulicy: Kisialova, Varvašeni, Kamunistyčnuju, zatory na jakich niaredka vyciahvajucca da taho samaha praspektu, i časta zapavolvajuć ruch i pa praspekcie.
Niazručnaści čakajuć i pasažyraŭ hramadzkaha transpartu. Aproč niepaźbiežnaha stajańnia ŭ zatorach, im daviadziecca na tydzień pryzvyčaicca na novych maršrutaŭ tralejbusaŭ i aŭtobusaŭ.
Hetak,
tralejbusy №№ 12,40 chodziać ad vulicy Karastajanavaj pa vulicy Arłoŭskaj da płoščy Banhałor, ź jakoj zavaročvajuć na vulicu Bahdanoviča, a nia jeduć da Kujbyšava, jak zvyčajna;
tralejbus №29 taksama idzie pa Surhanava mima Kujbyšava da Banhałor i tam zbočvaje na Bahdanoviča.
Takim čynam, vulica Kujbyšava na hety tydzień zastajecca biez tralejbusaŭ.
Aŭtobus №24 z Kujbyšava zbočvaje na kolišniuju Varvašeni (pr-t Mašerava), a paśla na Bahdanoviča.
Aŭtobus №57 musić davać kruciala ad Bahdanoviča pa Kisialova j praspekcie na vulicu Janki Kupały — praz usie mahčymyja zatory.
Paznačanymi maršrutami aŭtobusy i tralejbusy chodziać jak u prostym, tak i ŭ zvarotnym kirunkach.
Zusim biaz transpartu na hetym tydni zastajecca prypynak «vulica Kamunistyčnaja». Najbližejšyja da jaje prypynki — «vulica Kisialova» (aŭtobusy 18, 39) i «Operny teatar» pa vulicy Bahdanoviča.
Viadoma, što ŭ zaležnaści ad sytuacyi na darozie, kiroŭcy aŭtobusaŭ mohuć vymušana adchilicca ad aficyjnaha maršrutu. Naprykład, aŭtobus №24 byŭ zaŭvažany na vulicy Kamunistyčnaj. Tamu kali vaš prypynak traplaje ŭ «zonu ryzyki», na ŭsialakaje ŭsio pacikaŭciesia ŭ kiroŭcy ci kanduktara, dzie dakładna spyniaćmiecca aŭtobus.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča5
Kamientary