Listy ŭ redakcyju
Kali ūvaskres Chrystos
Zajmajučysia paleahrafijaj, ja znajšoū vielmi cikavy fakt: Dyjanis Mały, jaki zajmaūsia vyličeńniem paschalij, prapanavaū uvieści Eru Chrysta. Zhodna ź jahonymi raźlikami, Era pačałasia ū 753 hodzie ad zasnavańnia Rymu (Rym zasnavany ū 753 da n.e.). Jon dakładna vyznačyū datu ūvaskresieńnia Chrysta: 25 sakavika 31 hodu n.e.
Cieraz 1887 hadoū była “ūvaskrešana” biełaruskaja dziarżaūnaść — BNR.
Siaržuk Lieskieć z tut.by
Non nocere
Dasyłaju Vam list u adkaz na vystup Alesia Čobata na radyjo “Racyja”, jaki vy nadrukavali.
U svaim vystupie, šanoŭny sp.Čobat, Vy kažacie, što zajmajeciesia analizam i atajasamlivajecie jaho z razbureńniem. Vy ličycie, što “kožny lekar zajmajecca raskładam, razbureńniem, bo pierad tym, jak čałavieka lačyć, treba jaho daśledavać”. Ja pracuju doktarkaj i kožny dzień daśleduju ludziej. U medycynie isnuje pryncyp: “non nocere” (nie paškodź). Lekar zaŭsiody dakładna ŭzvažvaje nieabchodnaść i ryzyku admoŭnych nastupstvaŭ daśledavańnia. I kali jany mohuć značna pahoršyć stan chvoraha i navat vyklikać jahonuju śmierć, lekar admaŭlajecca ad takoha “analizu” i šukaje inšy šlach. Ale byvajuć vypadki, kali lekar, apantany metaj daśledavańnia chvoraha, moža jaho zahubić (“razburyć”). Apantanyja analahičnaj idejaj palityki mohuć “razburyć” narod. Tamu mnie vielmi chaciełasia b pažadać palitykam, a taksama tym, chto zajmajecca palityčnym “analizam”, kiravacca asnoŭnym medycynskim pryncypam – “non nocere”.
Halina Hurynovič, pas.Lasny (Mienščyna)
Iznoŭ pra Google
Časam stvarajecca ŭražańnie, što biełaruskaja sprava zhadžajecca z svajoj vyklučnaściu, jakaja abaročvajecca izalavanaściu, štučna adasablajecca ad dnia siońniašniaha i z aptymistyčnym niedavieram hladzić u budučyniu.
Spadziavańni ŭskładajucca na los: maŭlaŭ, kraina stanie biełaruskaj stychijna. Stychija ŭviadzie himnam “Mahutny Boža”, pazdymaje novyja staryja ściahi i ŭzdymie staryja novyja. Siońniašni čas addajecca krytycy, abviaščajecca varožym i pakidajecca niedzie zboku. Miž tym, praca dla siońnia nie sychodzić u piasok, a prynosić davoli aptymistyčnyja vyniki. Štodnia na biełaruskaj staroncy “Google”, pra jakuju hazeta pisała ŭ minułych numarach, tysiačy ludziej robiać 3000 zapytaŭ. I heta pry tym, što biełaruski servis isnuje ličanyja miesiacy. Kožnyja paŭchvili – novy zapyt – roŭny puls zdarovaha biełaruskaha Sieciva.
Andrej Čyk, Varšava
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary