poŭny kaścian
Časopisy jak hryby
Novy redaktar časopisu “Krynica” Viačasłaŭ Daškievič pačaŭ svaju dziejnaść sa źniaćcia z krasavickaha numaru pjesy Siarhieja Kavalova “Siostry Psychiei”. U tym samym numary musiła aśviatlacca postać Hiuntera Hrasa — niamieckaha piśmieńnika, nobeleŭskaha laŭreata. Paetyčnyja i prazaičnyja tvory Hrasa padavalisia ŭ pierakładach Lavona Barščeŭskaha. Apošni, pratestujučy suprać skandalnaj sytuacyi vakoł litaraturnych vydańniaŭ, zabraŭ svaje pierakłady.
Sabataž “akupavanych” vydańniaŭ — nie adziny metad dziejańnia litarataraŭ. Sytuacyja padšturchoŭvaje Sajuz piśmieńnikaŭ na toje, što varta było zrabić užo daŭno — stvaryć niezaležnaje ad dziaržavy litaraturnaje vydańnie. Pracu ŭ hetym kirunku raspačaŭ były hałoŭny redaktar časopisu “Połymia” Siarhiej Zakońnikaŭ. Novy časopis maje pracoŭnuju nazvu “Budziem!”
Pakul prajekt jašče ŭ stadyi raspracoŭki: viaducca pieramovy z aŭtarami j fundatarami. Pra sam časopis sp. Zakońnikaŭ raspaviadać što-kolviečy admaŭlajecca: baicca, što lišni rozhałas naškodzić prajektu. “Ja zmahu što-niebudź skazać tolki praz tydzień”, — zajaŭlaje jon.
Prazaik Barys Piatrovič (Sačanka) taksama źbirajecca raspačać ułasny litaraturny prajekt — časopis “Dziejasłoŭ”. Praŭda, sam Piatrovič pakul nia maje peŭnaści: “Zaduma časopisu była, ale tolki na ŭzroŭni razmovaŭ”. Na pytańnie “NN”, u jakoj stupieni kaardynavanyja dziejańni jaho i Zakońnikava ŭ arhanizacyi litaraturnych vydańniaŭ, Piatrovič zaznačyŭ: “Ja supracoŭničaju ź Siarhiejem Zakońnikavym. Taksama — na ŭzroŭni razmovaŭ”.
Adam Voršyč
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary