Rekordna haračaje i suchoje leta stavić pad pytańnie plany ajčynnych ziemlarobaŭ atrymać bolš za 7 miljonaŭ tonaŭ ziernia.
Temu ŭpłyvu ekstremalnaha nadvorja na budučy ŭradžaj uzdymaje ŭ apošnim numary «Sovietskaja Biełoruśsija». U artykule «Suchoj sčiot» viadziecca pra nadzvyčajnaje stanovišča ŭ Homielskich haspadarkach. U ich, pavodle apošnich dadzienych abłasnoha kamitetu pa sielskaj haspadarcy i charčavańni, paškodžana kala 60 tysiač hiektaraŭ ziernievych (20 adsotkaŭ usich płoščaŭ), ź jakich čverć zahinuła. Z‑za niedachopu vilhaci paciarpieła bolš za pałovu rajonaŭ vobłaści. Praktyčna ŭsio Paleśsie apynułasia pad pahrozaj straty ŭradžaju. Jość haspadarki, dzie płoščy zahinułych ziernievych skaładajuć da 70%, a paša vyhareła całkam. Na Homielščynie sochnie navat kukuruza, ustojlivaja da sušy kultura. Tym nie mienš, nielha kazać pra mahčymy niedabor uradžaju, pryvodzić hazeta słovy staršyni kamitetu Leanida Malčuka.
«SB» taksama padaje mierkavańnie supracoŭnikaŭ Navukova‑praktyčnaha centru pa ziemlarobstvie NAN Biełarusi, pa źviestkach jakich straty ŭradžaju ziernievych ad sušy składajuć 5‑7%. Najmienš paciarpieli pasievy na Bieraściejščynie, Viciebščynie i Mahiloŭščynie.
Varta adznačyć, što ŭ nieaficyjnych hutarkach navukoŭcy kudy mienš aptymistyčnyja: pavodle raźlikaŭ, kali ŭstojliva‑suchoje nadvorje zachavajecca ciaham niekalkich tydniaŭ, u Biełarusi moža paŭtarycca nieŭradžaj 1999 h. Tady atrymali 3,6 młn. t. ziernia, što stała pryčynaj admieny śviatkavańnia «Dažynak» u Škłovie.
Pra mahčymy niedabor uradžaju piša hazeta «Biełorusy i rynok». U jakaści dokazu pryvodzicca toj fakt, što adkaznyja čynoŭniki, kažučy pra zaplanavanyja pakazčyki, uvieś čas źviazvajuć realistyčnaść ich vykanańnia z nadvorjem.
Vydańnie źviazvaje aściarožnaść čynoŭnikaŭ z sytuacyjaj u našych susiedziaŭ. Na poŭdni Ŭkrainy i Rasiei skałałasia nadzvyčajnaja sytuacyja. Va Ŭkrainie jana zapatrabavała terminovych zachadaŭ uradu. Praz kapryzy nadvorja naša paŭdniovaja susiedka musić sioleta zakupić kala 700 tys.t. ziernia. Pryčym planujecca zakupka nia tolki pšanicy, ale j furažnaha jačmieniu i kukuruzy.
U paciarpiełych ad sušy rasiejskich rehijonach čakajecca źnižeńnie ŭradžajnaści na 30%. Sioletni niedabor ziernievych pryviadzie da rostu impartu miasa i ŭzdymu inflacyi, prahnazuje Instytut kanjuktury ahrarnych rynkaŭ.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary