Rekordnaja svaboda presy...Rekordny rejtynh Pucina...Antynarodnyja deputaty...Novyja ździajśnieńni...Sprava kocicca da trybunału...Novy kiraŭnik "Velcom"...
Rekordnaja svaboda presy
Hazeta "Miestnoje vriemia" paśpieła vydać tolki try numary - i atrymała paviedamleńnie pra likvidacyju "ŭ suviazi z parušeńniami ŭ časie rehistracyi". Chutka, vidać, apazycyjnyja hazety buduć vychodzić tolki raz, jak za Piłsudzkim.
Rekordny rejtynh Pucina
Rejtynh Pucina ŭ Rasiei pieravysiŭ 80%. Daŭno rasiejcy tak nikoha nie lubili.
Antynarodnyja deputaty
Jašče adna deputackaja hrupa, analahičnaja dumskaj, źjaviłasia ŭ biełaruskaj pałacie. Heta "Narodny deputat" na čale ź lideram kamunistaŭ Zacharčankam i eks-lideram kamunistaŭ Małafiejevym. Tolki ci adpaviadaje hetkaja hulnia ŭ Dumu intaresam biełaruskaha narodu?
Novyja ździajśnieńni
Federacyi prafsajuzaŭ biełaruskaj asabista PPRB dazvoliŭ nazyvacca Federacyjaj prafsajuzaŭ Biełarusi. Za takoje dasiahnieńnie Leanida Ko-zika varta ŭzna-harodzić ordenam.
Sprava kocicca da trybunału
Prakuratura adkazała pałacie pradstaŭnikoŭ u spravie źnik-nieńnia viadomych palitykaŭ: "Novych źviestak niama". Kamisii Parlamenckaj asamblei Rady Eŭropy pa hetym pytańni, što sabrałasia ŭ sieradu ŭ Paryžy, zastajecca tolki ŭziać raśśledavańnie ŭ svaje ruki. Kali jana paćvierdzić, što adbylisia pali-tyčna matyvavanyja zabojstvy, sprava moža trapić u mižnarodny trybunał.
Novy kiraŭnik "Velcom"
Novym kiraŭnikom pieršaha aperatara mabilnaj suviazi GSM staŭ Jury Akimaŭ. Raniej jon pracavaŭ načalnikam upraŭleńnia zamiežnych suviaziaŭ Minsuviazi. Šmatznačny punkt jahonaj bija-hrafii: u 1982-86 h. byŭ na dyplamatyčnaj słužbie. Były hiendyrektar Mikałaj Juškievič staŭ namieśnikam Akimava.
Buduć bakalaŭry i mahistry
Systema vyšejšaj adukacyi ŭ Biełarusi zrobicca dźviuchstupiennaj z 2004 h.
Bašy vinavacić Maskvu
Pažyćciovy prezydent pustelnaje Turkmenii Saparmurad Nijazaŭ źvi-navaciŭ u zamachu na siabie Maskvu i turkmenskich uciekačoŭ, što znajšli prytułak ŭ Rasiei. Pierad pałacam Turkmenbašy adbyŭsia mitynh jahonych prychilnikaŭ. Jany patrabavali karać terarystaŭ horłam, choć śmiarotnaja kara ŭ krainie skasavanaja - złačyncaŭ vysyłajuć na papraŭčyja pracy ŭ Karakumy.
"Astra" trapiła nie tudy
Rasiejskaja rakieta "Praton" nia zdoleła vyvieści na zadadzienuju arbitu eŭrapiejski spadarožnik "Astra". Nie spracavała čaćviortaja stupień, jakaja adkazvaje za raźmiaščeńnie abjektu na arbicie. Abstalavańnie vartaściu 300 młn. dalaraŭ ciapier moža zrabicca kaśmičnym śmiećciem. Jahonyja ŭładalniki ŭ vypadku čaho nie pacierpiać: jano zastrachavanaje.
Mikoła Buhaj
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary