U Mahilovie zachoŭvajecca napružanaja sytuacyja z pryčyny budaŭnictva pravasłaŭnaha chramu na terytoryi Zamčyšča. Uviečary 21 červienia pradstaŭniki prychodu zatrymali siabra abjadnańnia «Historyka» Vitala Ruhajna.
U Mahilovie zachoŭvajecca napružanaja sytuacyja z pryčyny budaŭnictva pravasłaŭnaha chramu na terytoryi Zamčyšča. Uviečary 21 červienia pradstaŭniki prychodu zatrymali siabra abjadnańnia «Historyka» Vitala Ruhajna.
Za dva dni z terytoryi Zamčyšča, dzie pravasłaŭny prychod raspačaŭ budaŭnictva novaha chramu, bieź nieabchodnaha archiealahičnaha nahladu było vyvieziena niekalki tonaŭ kulturnaha słoju. Historyk Ihar Marzaluk skłaŭ akt ab naŭmysnym źniščeńni słoju na Zamčyščy. Ziamlu źvieźli ŭniz da Dniapra, zaraz tam pravodziacca raskopki.
Niekatoryja pradstaŭniki prychodu nadzvyčaj ahresiŭna staviacca da hramadzkaści, jakaja baronić kulturny słoj. Siabar moładzievaha abjadnańnia «Historyka» Vital Ruhajn učora a 19‑aj hadzinie sprabavaŭ sfatahrafavać katłavan na Zamkavaj hary. Nieŭzabavie chłopca zaŭvažyli budaŭniki j zapatrabavali dakumenty. Vital pakazaŭ žurnalisckaje paśviedčańnie, adnak nazad dakument nie atrymaŭ — pradstaŭniki prychodu paviedamili, što addaduć paśviedčańnie tolki ŭ milicyi.
Jak raspavioŭ chłopiec, žančyna j mužčyna, ź jakimi jon pajšoŭ u pastarunak, pavodzili siabie nieadekvatna. Kazali pra zmovu suprać pravasłaŭnaj carkvy, a jaho nazyvali amerykanskim špijonam. Pradstavicca jany admovilisia. U pastarunku, nie znajšoŭšy nijakich parušeńniaŭ, milicyjanty viarnuli paśviedčańnie ŭładalniku. Na niezakonnyja dziejańni siabraŭ prychodu Vital Ruhajn padrychtavaŭ skarhu ŭ milicyju.
Dniom raniej budaŭniki z kamianiami ŭ rukach sustreli inšaha moładzievaha aktyvista, jaki fatahrafaŭ jaminu.
Kamientary