Tvar ANT i hałoŭny biełaruski miadźviedź zasnoŭvajuć partyju «Biełaja Ruś» u Miensku
Siońnia ŭ stalicy prachodzić ustanoŭčy schod Mienskaha haradzkoha hramadzkaha abjadnańnia «Biełaja Ruś».
Napiaredadni ŭstanoŭčaha schodu jaho inicyjatary źviarnulisia da žycharoŭ horada z zaklikam «abjadnać namahanni dla padtrymki kursa, jaki pravodzić dziaržava, dla abarony našych hramadzian ad razburalnaha ŭździejańnia «dobrazyčliŭcaŭ zvonku», spałučeńnia vopytu i viedaŭ starejšaha pakaleńnia, siły i mahčymaściaŭ maładoha». «Stvaryŭšy Minskaje hramadskaje abjadnańnie «Biełaja Ruś», my jašče bolš abjadnajem našy mahčymasci i pamknienni da abarony našaj Radzimy, da jaje razvićcia, umacavańnia i ŭdaskanalvańnia».
Siarod inicyjataraŭ stvareńnia arhanizacyi — viadučy teleprahram ANT Alaksandr Avierkaŭ, namiesnik hienieralnaha dyrektara RUP «Vydaviectva «Biełaruski Dom druku» Juryj Arychoŭski, zasłužany artyst Biełarusi Alaksiej Isajeŭ, aŭtar tekstu himna Biełarusi Uładzimir Karyzna, deputat Pałaty pradstaŭnikoŭ Nacyjanalnaha schodu Iryna Alaksanava, trochrazovy čempijon Alimpijskich hulniaŭ Alaksandr Miadźviedź i inšyja.
Kamientary