Taryfy dla mocnych nervaŭ

U paštovaj skryni niešta jość, zaŭvažajecie vy. Nie śpiašajciesia radavacca. Całkam mahčyma, što paštar prynios vam nia doŭhačakany list ad staroha siabra, a rachunak za kamunalnyja pasłuhi. Kaliści tyja paviedamleńni nijakich emocyjaŭ nia vyklikali. Ciapier chočacca pieražahnacca, pierš čym pračytać ličby na razdrukoŭcy.

Kamunalniki nia tolki padvyšajuć ceny na svaje pasłuhi, ale j indeksujuć ich, kab nia stracić ad inflacyi. Letaś tyja indeksacyi skłali prykładna 30%, što amal adpaviadaje ŭzroŭniu inflacyi (34,8%).

Navat Ministerstva statystyki pryznaje, što ŭ 2002 h. zarobki raśli pavolniej za ceny. Siaredniamiesiačny naličany zarobak pavialičyŭsia letaś na 33,3% (sa 173422 da 231223 rubloŭ), a ceny — na 34,8%. Na tempy rostu cenaŭ paŭpłyvała najpierš padaražańnie kamunalnych pasłuhaŭ (ad 51,4% za karystańnie radyjokropkaj da 700% za lift). Kali letaś siamja z troch čałaviek (dvoje darosłych, jakija atrymlivajuć siaredniestatystyčny zarobak, majuć adno dzicia dy žyvuć u standartnaj dvuchpakajoŭcy) addavała 8% svajho biudžetu na kamunalnyja pasłuhi, dyk sioleta daviadziecca vydatkoŭvać užo 12,5%.

Zekanomić na vadzie dyj hazie možna... pastaviŭšy ličylnik. Pakul jaho niama, kamunalniki vyličvajuć «siaredniaje arytmetyčnaje» z usiaje spažytaje žycharami cełaha domu vady, časam dadajučy siudy jašče j straty ad avaryjaŭ na vodapravodzie. Ź ličylnikam płaciš tolki za siabie.

Z usich spažyŭcoŭ kamunalnych pasłuhaŭ u krainie prykładna 10% ich nie apłačvajuć. Tolki ŭ Miensku kala 70 tys. niepłacielnikaŭ. U stalicy kamunalnyja słužby pačynajuć adklučać vadu i śviatło tym, chto zavinavaciŭsia najbolš. Miarkujuć navat padavać na niepłacielnikaŭ u sud dy adsialać ich u mienš kamfortnaje i tańniejšaje žytło. Letaś u listapadzie pinskija ŭłady adsialili siamju (maci i dvaich darosłych dziaciej) ź dziaržaŭnaj dvuchpakajoŭki pa vulicy Kaściuški ŭ adnapakajovuju kvateru biez kamunalnych vyhodaŭ. Niebaraki zavinavacilisia ŭładam 193 tys. rubloŭ. Spahnać hetyja hrošy ŭłady sprabavali ceły hod: dasyłali papiaredžańni, adklučali haračuju, chałodnuju vadu, elektryčnaść, aciapleńnie. Urešcie padali ŭ sud.

Taki los čakaje tysiačy siemjaŭ, niazdolnych płacić. Praz hetyja dramy ŭžo prajšli Polšča i Litva. Z adnym adroźnieńniem: Biełaruś žyvie va ŭmovach rynkavaha sacyjalizmu.

Aleś Kudrycki

Pakryćcio sabiekoštu niekatorych žyllova-kamunalnych pasłuhaŭ

studzień—śniežań pa stanie na

2002 h. 15 studzienia 2003 h.

techabsłuhoŭvańnie 23,1% 32,8%

ciapło 30,6% 52,6%

chałodnaja

vada 31,3% 52,8%

kanalizacyja 33,2% 55,9%

vyvaz

śmiećcia 88,2% 97,1%

karystańnie

liftam 62% 96,1%

kamunalnyja 38,3% (zimovy peryjad), 61,4% (zimovy peryjad),

pasłuhi całkam 29% (letni peryjad) 55% (letni peryjad)

Źmianieńnie cenaŭ na kamunalnyja pasłuhi ŭ 2000—2002 h.

pasłuha pavieličeńnie adnosna letašniaha ŭzroŭniu

2002 2001 2000

kvaternaja płata 471% 38,5% 280%

karystańnie liftam 700% 38,4% 190%

haz 219% 234% 210%

elektryčnaść 146% 33,3% 970%

aciapleńnie 145% 143% 730%

haračaja vada 145% 143% 730%

chałodnaja vada j kanalizacyja

57% 74,6% 180%

vyvaz śmiećcia 77,3% 94,4% 470%

utylizacyja śmiećcia 84,7% 95,1% 460%

karystańnie radyjokropkaj 51,4% 39% 75%

U artykule vykarystanaja statystyka Ministerstva statystyki i analizu

• 0
• 0
• 0
• 0
• 0
• 0
• 0
• 0