Vincuk Viačorka : «Partyja BNF inicyjuje sklikańnie paśla druhoha turu vybaraŭ Usiebiełaruskaha kanventu demakratyčnych deputataŭ usich uzroŭniaŭ. Kali ŭžo jany prarvalisia skroź hety filtar, to ŭ ichnaj persanalnaj lehitymnaści nia možna sumniavacca. Im nakanavana sfarmulavać patrabavańni źmienaŭ u zakanadaŭstvie — da tutejšaj aficyjnaj ułady i da mižnarodnych strukturaŭ. My skličam usich deputataŭ, jakija ličać siabie demakratyčnymi, na taki Kanvent, napeŭna — u druhoj pałovie sakavika».
Mierkavańni deputataŭ
Aleś Hałaktyjonaŭ, Mścisłaŭ, AHP: Vyšejšaje kiraŭnictva partyj — i BNF, i AHP — imkniecca vykarystoŭvać nas u svaich intaresach. Ideju, kali jana dobraja, ja padtrymaju. Ale nie chaču, kab lidery za moj košt padvyšali svoj palityčny rejtynh. Na apošnim źjeździe AHP mnie słova tak i nie dali. A takija adpracavanyja palityki, jak Čyhir i Marynič, navabrancy partyi, vystupali — kali łaska. Abjadnać deputataŭ treba. Ale kiravać imi, naviazvać sabie niešta novyja abrańniki nie dazvolać. Ja apazycyjaner i da ŭłady, i da apazycyi. Ja za treci šlach. Spadziajusia, što novyja deputaty jaho i sfarmulujuć.
Jury Hubarevič, Biełaaziersk, biespartyjny: Pavinna najpierš praciahvacca praca pa stvareńni novych kancepcyj miascovaha samakiravańnia — toje, čym raniej zajmaŭsia Fond Sapiehi. Ale kali ad takoha Kanventu budzie karyść, udzieł ja hatovy brać.
Aleś Michalevič, Marjina Horka, BNF: Treba asacyjacyja deputataŭ mienavita miascovych savietaŭ, nie achoplivajučy parlamentu. Padstavovaja meta — raźvićcio demakratyčnaha samakiravańnia. Ale ja hatovy brać udzieł i ŭ šyrejšym Kanvencie.
Valancina Kudłackaja, Vierchniadźvinsk, BSDP (NH): Čamu b nie? Miascovaje samakiravańnie treba rabić realnym. Kab nia być dekaracyjaj dla vykanaŭčaj ułady. Kab deputaty nie byli adarvanyja ad narodu.
Aleś Zarambiuk, Masty, «Małady front»: Ja hatovy. Taki Kanvent pavinien uznačalić niestary i charyzmatyčny čałaviek.
Jury Ziankovič, Ždanovičy, BNF: Takija napracoŭki byli da vybaraŭ. Ciapier Vincuk ich ahučyŭ. Heta dobraja ideja.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dejkała3
Kamientary