Jakimi palittechnalohijami Zachad uzbroiŭ biełaruskich demakrataŭ
Palittechnalohii ŭ Biełarusi zastajucca pryvilejem ułady. Mo chto z apazycyjaneraŭ i chacieŭ by vykarystać 25-y kadar ci abstralać aŭtamabil padčas vybarčaj kampanii, ale navošta, kali pa televizii hetaha ŭsio adno nie pakažuć. Ni teledebataŭ, ni Švarcenehieraŭ u hubernatarach… Voś i zastajecca «Piaciorcy plus» raźličvać na školnyja asacyjacyi vybarcaŭ. Asnoŭnaje pasłańnie kampanii — «narmalnaść» vybarščykaŭ i kandydataŭ, a pierad kamerami lidery kaalicyi achvotna demanstrujuć znak viktoryi.
Prafesijna ŭ Biełarusi palittechnalohijami nie zajmajecca nichto. U Rasiei praca palittechnolahaŭ daŭno instytucyjalizavanaja. Isnuje mnostva firmaŭ, jakija prapanujuć uvieś spektar pasłuhaŭ: ad analizu akruhi i acenki padrychtavanaści kankurentaŭ da psychalahičnaha testavańnia, treninhu kandydata, napisańnia scenaroŭ dla videarolika, raspracoŭki i vyrabu ahitacyjnych materyjałaŭ, praviadzieńnia pracedury vysoŭvańnia kandydata, padrychtoŭki pakietu dakumentaŭ dla rehistracyi, arhanizacyi hramadzkaj pryjomnaj kandydata, praviadzieńnia zboru podpisaŭ, kampanii «ad dźviarej da dźviarej», rasklejki ŭlotak — i až da vybaraŭ «pad kluč».
U Biełarusi palityčnaha kansałtynhu nie isnuje. Takoha vidu dziejnaści navat niama ŭ pieraliku vidaŭ dziejnaści, jakija padlahajuć licenzavańniu. Tamu dla takich pasłuhaŭ zvyčajna niefarmalna najmajuć specyjalistaŭ u sfery PR i reklamy. Apłačvajecca praca palittechnolahaŭ z raźliku hanarar na specyjalista albo na hrupu. U vypadku pieramohi na vybarach hanarar, jak praviła, pa-dvojvajecca.
Poŭny varyjant artykułu hladzicie ŭ hazecie "Naša Niva".
Vieranika Dziadok
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary