Aleh Klimaŭ — hałoŭny redaktar «Muzykalnoj haziety»
Jak by ja ni staviŭsia da «NRM» u roznyja hady — ad abyjakavaści, paśla taho jak na abłomkach «Mroi» ŭźnik novy kalektyŭ; praź iraničnyja nazirańni za abahaŭleńniem kamandy padletkami z marudnym razumovym raźvićciom; da zachapleńnia padrychtoŭkaj i realizacyjaj albomu «Try iarapachi» dy ciapierašniaha krytyčnaha realizmu adnosna apošnich navin z stanu, — zaŭsiody ŭśviedamlaŭ, što «NRM» — Najvialikšy hurt u historyi biełaruskaha roku. Čamu? A nia viedaju, tak vyjšła, karma i zory, Božańka pryłaščyŭ. Na ŭzroŭni padśviadomaści ja pierakanany ŭ hetym 100-pracentova, a kankretnyja dokazy ŭ čarhovy raz pryvodzić lanota. Uzhadaju tolki dva.
Najlepšy rok-albom z usiaje našaj rok-spadčyny ŭ cełym — «Try iarapachi». Pierakanany, jon zastaniecca aktualnym pa-za kantekstam luboha času, bo heta — paprostu Tvor Mastactva. I, akramia taho (u kankteście), — siońnia heta samaja sumlennaja i čystaja rabota z usich mahčymych čałaviečych tvorčaściaŭ na terytoryi Respubliki Biełarusi. Najlepšaja biełaruskaja rok-pieśnia — «Pavietrany šar»: nia treba asablivych muzyčnych navarotaŭ, varjackich aranžyrovak i superhłybokaha tekstu, kab prydumać Niatlenku.
Poŭny varyjant artykułu hladzicie ŭ hazecie "Naša Niva".
Ciapier čytajuć
Połk Kalinoŭskaha paviedamiŭ pra hibiel troch bajcoŭ7
Kamientary