Sacyjalnaja i palityčnaja emansypacyja biełarusak adbyłasia ŭ savieckija časy. Za apošnija ž 20 hadoŭ źmianilisia pieradusim seksualnyja pavodziny žančynaŭ. Naprykład, druhi poł vyraźniej uśviadomiŭ svajo prava na asałodu.
Adpaviedna, usio bolš žančynaŭ usprymajuć seks nie jak siamiejny abaviazak, a jak prava. Praz heta jany pačynajuć pa-inšamu stavicca da svajho cieła, da spažyvańnia etc. Heta mianiaje žančynaŭ, ichny styl žyćcia, ich mastactva. Šmatlikich mužčynaŭ taki praces ćvielić, niekatoryja sacyjolahi tryvožacca pra los siamji i maciarynstva. Žančyny vychodziać z-pad kantrolu: čamu, jak, dakul? Da hetaj temy źviartajecca «NN» pierad 8 Sakavika. Staronki 12—15.
Tym nia mienš, hramadztva pa-raniejšamu nie hatovaje pryznać za žančynami prava na palityčnaje liderstva, razvažaje Vital Taras na staroncy 8.
Čarhovy hazavy kantrakt z «Transnaftaj» skančajecca ŭ toj samy śviatočny žanočy dzień. U sieradu namieśnik staršyni «Hazpromu» Alaksandar Razanaŭ padkreśliŭ, što hałoŭnaja ŭmova rasiejskaha boku — pieradača va ŭłasnaść «Hazpromu» 50% statutnaha kapitału «Biełtranshazu». Valer Bułhakaŭ hruntoŭna analizuje doŭhaterminovyja tendencyi ŭ biełaruska-rasiejskich adnosinach na staronkach 3—4.
Na nastupnym tydni Nacyjanalny arhkamitet pa śviatkavańni Dnia Voli kančatkova vyznačyć farmat uračystaściaŭ 25 Sakavika. Sioletniaje śviata zakonna možna pieratvarać u Dzień «Narodnaj voli». Hetak ździekujucca z najbolšaj demakratyčnoj hazety krainy! Abkłali biaskoncymi sudovymi spravami… Dumaju, nie adzin čałaviek admovicca zaraz kuplać bializnu «Serž». Čytajcie pobač na staroncy 2.
I jašče raz nahadaju — viasna nadyšła.
Andrej Dyńko
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta1
Kamientary