Karcina z nazvaju «50 pieršych pacałunkaŭ» nie abiacaje ničoha surjoznaha — i abiacańni svaje vykonvaje z prafesijnaj hodnaściu pradmieta adnarazovaha vykarystańnia.
Havajski kurortny kavaler (Adam Sendler), a pa sumiaščalnictvie marski veterynar i daśledčyk maržoŭ, znachodzić dziaŭčynu svajoj mary — ščaślivuju blandynku (Dru Berymar). Ščaście hieraini źviazanaje z tym, što kožnuju noč pryhažunia zabyvaje padziei papiaredniaha dnia — paśla aŭtaavaryi adbiła karotkaterminovuju pamiać (taki sabie žanočy «Dzień surka»). Uražany łavełas štoraz pa-novamu zalacajecca i nat źbirajecca ažanicca, ale praź dziavočuju słabaść zrabić heta och jak niaprosta.
Žarty ŭ filmie radujuć hledača svajoj čakanaściu: maržovyja vanity na mužapadobnaj asystentcy, zhadki pra znakamityja častki maržovych ciełaŭ… Meladramatyčnyja momanty vyhladajuć lepšymi. A epizod, kali hierainia prahladaje videakasetu jak ułasnuju zhublenuju pamiać, mo j namiaknie, što na ekranie nia tolki kinatavar. Ale nam chutka dapamohuć heta zabyć.
Karcina moža być pryznačanaja dla lohkaha časazabojstva.
«50 pieršych pacałunkaŭ» («50 First Dates»)
ZŠA, 2004, kalarovy, 99 chv.
Žanr: kamedyjnaja meladrama
Adznaka: 3 (z 10)
Andrej Rasinski
Kamientary