U Eŭropie palitinvestycyi rabić adkryta amal niemahčyma.
Na pres-kanferencyi 20 lipienia Alaksandar Łukašenka skazaŭ: «U nas narmalny investycyjny klimat. Ale my chacieli b, kab ad hetaha pradpryjemstva, ad investara, jaki da nas pryjdzie, była b karyść i dla našaha narodu, i dla dziaržavy. My jdziom na investycyi, ale tolki ŭ tych sferach, jakija siońnia nie źjaŭlajucca «smačnymi kavałačkami», jak vy ich zaviacie, ekanomiki. Nu, a ŭ tyja sfery jany nia vielmi chočuć iści. Voś i niesupa-dzieńnie intaresaŭ. Voś tolki ŭ čym pytańnie. A na jurydyčnym uzroŭni ŭ nas prablem niama. U nas zakanadaŭstva nia horšaje za inšych. I heta pryznana investarami, što pryjšli da nas pracavać».
Zusim inakš miarkuje Jachanes Kinski, hieneralny menedžer investycyjnaha hihantu «JP Morgan International Ltd.», jaki ŭžo na praciahu čatyroch hod uznačalvaje pradstaŭnictva «JP Morgan» u Čechii, źjaŭlajecca hałoŭnym kaardynataram «JP Morgan» u Čechii dy Słavaččynie. Jon daradca českaha dy słavackaha ŭradu ŭ halinie pryvatyzacyi telekamunikacyjnych kampanijaŭ. Jahonyja parady taksama adyhrali daloka nie apošniuju rolu ŭ časie pieramovaŭ pa dałučeńni hetych krain da Eŭraźviazu. Voś što jon skazaŭ našamu karespandentu ŭ Prazie:
«Časam kažuć, što Biełaruś patrebna dla taho, kab Ukraina vyhladała nia tak užo j drenna ŭ vačoch Zachadu. Pakul ja nia baču mahčymaści taho, kab palityčnaja sytuacyja ŭ vašaj krainie źmianiłasia ŭ lepšy bok. Ale kali heta ŭsio-taki zdarycca, Biełaruś prajavić mahutny patencyjał dla pryciahnieńnia investycyj.
Poŭny varyjant artykułu čytajcie ŭ papiarovaj i pdf-versii "Našaj Nivy"
Aleś Kudrycki
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary