13 žniŭnia, u piatnicu, u Atenach adkryjucca XXVIII Letnija alimpijskija hulni.
BT paabiacała pakazać 190 hadzin sportu, pa 11—12 hadzin u sutki. Biełaruski desant u Hrecyi składajecca sa 152 spartoŭcaŭ, jakija buduć vieści baraćbu ŭ 23 vidach sportu. Śviet baicca kryvavych teraktaŭ i adnačasova ź nieciarpieńniem čakaje vidovišča.
Najbolš pradstaŭničaja delehacyja — u lohkaj atletycy. Pryčym z 43 spartoŭcaŭ-lohkaatletaŭ 17 składajuć kidalniki i šturchalniki. Hałoŭnyja našy nadziei na medali źviazanyja z hetymi nievidoviščnymi dyscyplinami. Uvaha budzie prykavana da šturchalnikaŭ jadra Andreja Michnieviča, Nadziei Astapčuk, Natalli Charanieki, kidalnikaŭ dyska Vasila Kapciucha i Iryny Jatčanki, mołata — Ivana Cichana. Spadziajomsia, što «strelać» u kidańni mołata Ihar Astapkovič i Vadzim Dzieviatoŭski, a taksama paŭtoryć «załaty» pośpiech Sydneju-2000 u kidańni dyska kapitan biełaruskaj alimpijskaj zbornaj Elina Źvierava.
Ličycca, što dva medali «žalezna» čakajuć biełarusaŭ u rovarnym sporcie. Hałoŭnaja naša zorka — piacirazovaja čempijonka śvietu Natalla Cylinskaja. Biełaruski «Priessboł» pradkazvaje joj zołata ŭ hicie na 500 metraŭ. A paru tydniaŭ tamu «Sport-ekspriess» u jakaści pretendentak na «zołata» ŭ spryncie nazvaŭ našu Natallu i rasijanku Śviatłanu Hrankoŭskuju. Intryhi dvuboju nadaje toj fakt, što Cylinskuju i Hrankoŭskuju treniruje adzin čałaviek — rasijanin Stanisłaŭ Sałaŭjoŭ.
«Biełaruskim» vidam sportu źjaŭlajecca i ciažkaja atletyka. Tut najbolšyja šancy majuć Vital Dzierbianioŭ (56 kh), Siarhiej Łaŭrenaŭ (69 kh), Alaksandar Aniščanka (85 kh) dy Hanna Baciuška (63 kh), što ŭvarvałasia ŭ suśvietnuju elitu paśla sensacyjnaha vystupu ŭ minułym listapadzie na čempijanacie śvietu ŭ Vankuvery.
Pazmahajucca za medali majstry hreka-rymskaj baraćby Alaksandar Kikinioŭ (74 kh) i Viačasłaŭ Makaranka (84 kh). A Siarhiej Lištvan (97 kh) niekalki tydniaŭ tamu na pres-kanferencyi paabiacaŭ pryvieźci z Atenaŭ zołata. U volnaj baraćbie niakiepskija šancy, prynamsi, na srebra ŭ Murada Hajdarava (74 kh).
Pa treciaje alimpijskaje zołata papłyvie Kaciaryna Karsten-Chadatovič (akademičnaje viesłavańnie). Spadziajucca na medal u viesłavańni i mužčynskaja čaćviorka, žanočaja dvojka (Julija Bičyk i Natalla Hiełach). Vydatnyja vyniki pakazvała apošnim časam para bajdaračnikaŭ Raman Pietrušenka i Vadzim Machnioŭ, a taksama kanaist Alaksandar Žukoŭski.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleh Rajaviec
Ciapier čytajuć
U Minsku masažyst Andrej tajemna zdymaŭ hołych klijentak17
Kamientary