KDB pad sudom

Davieści da sudu takuju arhanizacyju, jak KDB, — pra heta maryli b mnohija pravaabaroncy ŭ Biełarusi.

Na siońnia adzinym čałaviekam, jakomu heta ŭdałosia, staŭ Michał Ziemlakoŭ ź Viciebsku. Adkazčykam u jahonym pracesie vystupaje ŭprava KDB pa Miensku i Mienskaj vobłaści. Michał Ziemlakoŭ patrabuje, kab kadebisty viarnuli rečy, kanfiskavanyja ŭ jahonaha syna Jurja ŭ žniŭni 2001 h. Supracoŭniki orhanaŭ nie admaŭlajuć zakonnaści jahonych patrabavańniaŭ, ale rečy viartać nie śpiašajucca. Pahatoŭ što siarod niekalkich dziasiatkaŭ kanfiskavanych pradmietaŭ fihurujuć takija, jak minašukalnik, pryłady načnoha bačańnia, hazeta «Hołas kraju» i, urešcie, śpis siabroŭ arhanizacyi «Kraj».

«Kraj» ty moj, «Kraj»…

Pry kancy žniŭnia 2001 h., niezadoŭha da prezydenckich vybaraŭ, adzin z aktyvistaŭ «Kraju» Andrej Žarnasiek i supracoŭnik KDB Hienadź Vuhlanica źbiehli za miažu i raspaŭsiudzili videakasetu, na jakoj raspaviali pra pošuki dy pra miesca pad Biahomlem, dzie nibyta pachavanyja cieły Viktara Hančara j Anatola Krasoŭskaha.

Litaralna pierad ichnymi ŭciokami, 21 žniŭnia, abstalavańnie, z dapamohaj jakoha vialisia pošuki ciełaŭ, było kanfiskavanaje milicyjaj i paźniej pieradadzienaje ŭ KDB. Kanfiskacyja adbyłasia ŭ Miensku na kvatery, jakuju zdymaŭ Juraś Ziemlakoŭ.

Student anhielskaha adździaleńnia Linhvistyčnaha ŭniversytetu Ju.Ziemlakoŭ dałučyŭsia da niezaležnickaha ruchu jašče školnikam. Dla jaho heta było całkam naturalna: z nacyjanalna-vyzvolnymi arhanizacyjami byli źviazanyja i jahonyja baćki, i inšyja svajaki. Jašče školnikam jaho zatrymlivali za naniasieńnie palityčnych hrafici i ŭdzieł u akcyjach pratestu. Junak nia moh spakojna nazirać, jak źnievažajuć biełaruskuju movu, jak hulajuć ź niezaležnaściu. Serca pratestavała, chacieła zmahańnia. I ŭrešcie jon dałučyŭsia da arhanizacyi «Kraj», jakaja staviła sabie radykalnyja mety. U jahonaj kvartery j zachoŭvałasia abstalavańnie, z dapamohaj jakoha «krajoŭcy» šukali cieły źnikłych Hančara j Krasoŭskaha.

Sam praces kanfiskacyi nahadvaŭ scenu z bajeviku. Juraś vyjšaŭ uviečary patelefanavać baćkam u Viciebsk, pakinuŭšy ŭ kvatery dvuch siabroŭ. Viarnuŭšysia, jon nie paznaŭ svaje kvatery. U joj haspadaryli piać čałaviek u cyvilnym i adzin amapaviec z aŭtamatam. Nichto ź ich nie nazvaŭ siabie. Chłopca abvinavacili ŭ zabojstvie majora milicyi Kaškana, patrabavali vydać zbroju j narkotyki. Kazali, nibyta majuć dakładnuju infarmacyju, što tut zachoŭvajecca narkata. «Sartavańnie» rečaŭ u kvatery rabili nahami. Urešcie, praz 2,5 hadziny, ničoha kryminalnaha nie znajšoŭšy, pačali składać akt kanfiskacyi, adbirajučy rečy chutčej z palityčnych matyvaŭ, čym ź jakich inšych. Pad zakančeńnie pieratrusu zaprasili dźviuch susiedak paniatymi…

Načny rasstreł

U Partyzanskim RUUSie, kudy pryvieźli Jurasia, pratakołu zatrymańnia nie składali. Kali daviarać skarham chłopca ŭ prakuraturu, milicyjanty pavodzili siabie tak, byccam u hetym vypadku dla ich nie isnuje zakonu.

Poŭnaściu hety artykuł možna pračytać u papiarovaj i pdf-versii "Našaj Nivy"

Arkadź Šanski

• 0
• 0
• 0
• 0
• 0
• 0
• 0
• 0