Bolš za paŭtara hodu tamu, 23 studzienia 2003 hodu, Alaksandar Łukašenka pastaviŭ pierad novym ministram sportu i turyzmu Juryjem Sivakovym zadaču zavajavać u Atenach 25 medaloŭ.
U krasaviku hetaha hodu padčas štohadovaha pasłańnia parlamentu prezydent paŭtaryŭ: «Nam patrebien vynik — 25 medaloŭ. Niašmat, 25. Ja ž nie 100 prašu». Darečy, bolš za 100 medaloŭ zavajavali tolki ZŠA (103).
Biełarusy sabrali na 10 medaloŭ mieniej — 2 załatyja, 6 srebnych i 7 bronzavych. Nahadajem, što ŭ Sydnei było 17 uznaharod (3 załatyja, 3 srebnyja, 11 bronzavych). U Atenach pa try medali prynieśli ŭ skarbonku ciažkaatlety, vieślary. A voś pravalilisia my ŭ płavańni. Dyj kab nia pośpiech Julii Nieściarenki, vystup našych lohkaatletaŭ (try medali) možna było b pryznać niaŭdałym. Najbolš dalnabačnym akazaŭsia deputat Uładzimier Parfianovič. Jon sprahnazavaŭ 14 medaloŭ.
Kiraŭnictva ž Minsportu družna pačało namiakać na nieadnaznačnaje staŭleńnie da Biełarusi z boku Eŭraźviazu i h.d. Praŭda, pakul jašče ŭ ahulnym kantekście. Maŭlaŭ, nia lubiać maleńkija krainy ŭ śviecie. Siudy dadamo pastajannyja apelacyi da Boha, jakija nadta ž złavali.
Ale prablemy — unutry. Da Pekinskaj Alimpijady — čatyry hady. Mnohija z tych, chto prynios biełarusam medali ci spyniŭsia za krok ad pjedestału (my zavajavali 10 čaćviortych miescaŭ!), nie pajeduć u Kitaj. Naša viaślarka Kaciaryna Karsten maje 32 hady i — što bolš važna — nadta kapryzny charaktar.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleh Rajaviec
Kamientary