Kampanija pastupleńnia ŭ VNU sioleta była hučnaj.
Takich konkursaŭ dy prachadnych bałaŭ našy baćki i nia śnili. Časam dachodziła da marazmu — na adnu sa specyjalnaściaŭ žurfaku BDU znajomaja nabrała 29 bałaŭ z 30 mahčymych, zdaŭšy adpaviedna na 10, 10 i 9, i nie prajšła pa konkursie. Ale abituryjenckaja kampanija skončyłasia, i ŭdačlivyja pastupancy błukajuć u pošukach žylla.
Žyć ci nia žyć?
Siarod studentaŭ peduniversytetu chodzić pokazka: «Kab zasialicca ŭ internat, treba być čarnobylcam biaz ruk i noh dy pabracca šlubam ź invalidam sa svajho ž univeru». Ščaśliviec sapraŭdy musić mieć dziŭnyja pakazčyki:
1) student musić mieć adnaho z baćkoŭ invalidam 1-j ci 2-j hrupy;
2) student musić mieć brata (siastru) — studenta(-ku) BDPU imia M.Tanka (a što rabić baćkam, dzieci jakich navučajucca ŭ roznych VNU? Ci heta metad zaachvočvańnia da pastupleńnia ŭ vyšejzhadanuju alma mater?);
3) student musić mieć muža (žonku) z pedu (ludzi!!! Biarycie na ŭvahu!), praŭda, maładym siemjam dajecca adzin pakoj u bločnym internacie. Tamu — dziejničajcie!!!
«Płatnikam» ža j maryć nia varta pra internat.
Siarod realnych achviar hetaha praviła — Paša B., treci syn u siamji. Vučyŭsia na płatnym adździaleńni. Kab płacić synu adukacyju j kvateru, baćki piać hadoŭ musili trymać šaściora śviniej i načavać ź imi ŭ chlavie ŭ prostym sensie słova, kali śvinamatka źbirałasia stać maci.
Aperacyja «I»
Kali ŭsio ž ty vybiŭ miesca pad lampačkaj usimi praŭdami-ślaźmi i niapraŭdami — štodzionnymi pachodami ŭ dekanat sa słovami «Maje baćki biednyja, nia mohuć zdymać apartamenty, a babki mianie bajacca, i ŭvohule chadžu niaholeny trecija sutki, bo načuju na vakzale», — nie śpiašajsia skakać pad nieba. Aproč ešalonaŭ plotak, žycharoŭ internataŭ pieraśleduje niečystotny pryvid, imia jakomu — adpracoŭki. U bolšaści internataŭ kožny žychar musić adpracavać na karyść časovaha prytułku 40 hadzin za hod.
Fizyčnaja praca žycharoŭ «siamiorki» i «šaściorki» BDU zaklučajecca ŭ prybirańni śniehu dy pierasoŭvańni mebli ŭ stałoŭcy paśla dyskatek. Žycharam «piaciorki» dastavałasia bolš za ŭsich: apošnija hady biełaruskija studenty tutaka mieścilisia pad adnym dacham razam z zamiežnikami. Tamu praca adpaviednaja — myćcio kalidornych ścien paśla subotnich balavańniaŭ kitajcaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Luda Asipienka
Kamientary