Askirka & Antusievič

Adzinaja akruha ŭ krainie, dzie, pavodle aficyjnych źviestak, vybary nie adbylisia, a na referendumie A.Łukašenka nie nabraŭ 50% hałasoŭ, — u Horadni.

Daskanałaja systema nazirańnia, pahoni pa načnym horadzie i paraza ŭładaŭ: hutarka z eks-kandydatami

Valancin Askirka: «Mianie pakidali jak słaboha»

«NN»: Vy — pierakanany sacyjał-demakrat. Čamu?

VA: Praz paru dzion paśla referendumu 1995 h. ja vyrašyŭ, što nie mahu być prosta hramadzianinam, a pavinien być aktyŭnym hramadzianinam, i ŭstupiŭ u BSDH. Potym była transfarmacyja ŭ BSDP-NH, paśla znoŭ viartańnie ŭ BSDH. Čamu sacyjał-demakratyja? Idei sacyjalnaj spraviadlivaści — heta dla mianie istotna.

«NN»: Dla čaho vy vyrašyli ŭdzielničać u vybarach?

VA: Nia ŭdzielničać u vybarach ja nia moh. Praŭda, u vyniku tolki ja adzin staŭsia zarehistravanym razam z dvuma «supiernikami ad ułady».

«NN»: Vy nie zdahadvajeciesia, čamu zarehistravali mienavita vas? Siarhieju Antusieviču (BNF) dy Anatolu Ivančyku (PKB) u rehistracyi admovili.

VA: Heta pieršaje pytańnie, jakoje ja zadaŭ sam sabie i svaim kaleham ź inicyjatyŭnaj hrupy. Miarkuju, adzin z faktaraŭ — pakinuli słabiejšaha, druhi z faktaraŭ — pakinuli zaležnaha, bo ja pracuju ŭ dziaržaŭnaj ustanovie. Chacia jakija tam nasamreč byli plany — nieviadoma.

«NN»: Što ŭjaŭlała ź siabie vašaja kamanda?

VA: Pieršapačatkova inicyjatyŭnaja hrupa składałasia z 43 čałaviek, bolšaść ź ich — studenty, vykładčyki haradzienskich VNU. Ja pravodziŭ treninhi dla ich pa efektyŭnaj kamunikacyi, nazirańni, a taksama ładziŭ mini-seminar «Ad dźviarej da dźviarej». Adnak asnoŭny dośvied byŭ atrymany ŭ pracesie samoj pracy.

«NN»: Vynik pa vašaj akruzie zrabiŭsia vyklučeńniem u maštabach krainy. Toje, što vybary nie adbylisia, — heta vaša pieramoha?

Poŭnaściu hety artykuł možna pračytać u papiarovaj i pdf-versii "Našaj Nivy"

Siarhiej Antusievič: «Budu hurtavać ludziej»

«NN»: Čamu vy vyrašyli balatavacca?

SA: Padrychtoŭku da vyłučeńnia my pačali jašče hod tamu. My praviali paśpiachovyja pieramovy, i ŭžo da momantu rehistracyi ja viedaŭ, što demakratyčnyja kandydaty pahadžalisia źniać svaje kandydatury na maju karyść. Kali b vybary adbylisia pa narmalnym scenary, ja b moh pretendavać na rolu adzinaha demakratyčnaha kandydata ŭ hetaj akruzie. Ale ž stałasia tak, što mianie «vyrubili».

«NN»: Na jakoj padstavie?

SA: Prydralisia, što ja nia ŭnios u deklaracyju źviestki ab doli ŭ kvatery baćkoŭ dy ab udziele ŭ statutnym fondzie likvidavanaj u 2000 h. firmy, jakuju ja zasnoŭvaŭ. Na miascovych vybarach hetych źviestak nichto ad mianie nie patrabavaŭ.

«NN»: Što vy zrabili paśla taho, jak vam admovili ŭ rehistracyi?

SA: Usia kamanda była sabranaja, my railisia, ci varta iści dalej. Vyrašyli, što varta. U pieršuju čarhu my pracavali suprać treciaha, pažyćciovaha terminu Łukašenki. Razmaŭlali ź ludźmi, raznosili ŭlotki, vyrablali niekatoryja svaje materyjały.

«NN»: Prablem nie ŭźnikała?

SA: U pryncypie, asablivych składanaściaŭ nie było. Ja maju status deputata harsavietu, dla mianie asabista heta nie było ciažkaściu, ale ž dla taho, kab havaryć ź ludźmi, nie abaviazkova treba mieć niejki status. My taksama nazirali za hałasavańniem, kaardynavali svaju pracu z kandydatam Askirkam. Takim čynam, my «zakryli» ŭsiu akruhu naziralnikami. Na kožnym z 40 adkrytych učastkaŭ praces hałasavańnia adsočvaŭ chacia b adzin naziralnik ci davieranaja asoba Askirki. Na šaści ŭčastkach naziralniki znachodzilisia ad pieršaj chviliny daterminovaha hałasavańnia da viečara 17 kastryčnika.

Poŭnaściu hety artykuł možna pračytać u papiarovaj i pdf-versii "Našaj Nivy"

Siarhiej Antusievič naradziŭsia ŭ 1973 h. u Bieraści ŭ siamji rabočych. Školnikam pierajechaŭ ź siamjoj u Horadniu. U 1996 h. skončyŭ Biełaruski technalahičny ŭniversytet u Miensku, viarnuŭsia ŭ Horadniu. Pracuje na «Azocie». Z 2000 h. — staršynia niezaležnaha prafsajuzu hetaha hihantu naftachimii. Deputat Haradzienskaha harsavietu.

Chranalohija padziej

Horadnia, Centralnaja akruha №52

Piatnica, 15 kastryčnika.

Favaryt uładaŭ, deputat pałaty pradstaŭnikoŭ Andrej Łosieŭ ź nieviadomych pryčyn zdymaje svaju kandydaturu. Vybarčuju honku praciahvajuć Ludmiła Siaŭko (staršynia harkamu Prafsajuzu rabotnikaŭ adukacyi i navuki) i Valancin Askirka (BSDH).

Niadziela, 17 kastryčnika.

23.30. Štab Askirki—Antusieviča padsumoŭvaje źviestki pa akruzie, atrymanyja ad naziralnikaŭ: Siaŭko nie nabiraje 50% + 1 hałasoŭ, patrebnych dla pieramohi.

23.40–3.00 Akruhovaja kamisija analizuje aficyjnyja dadzienyja. Urešcie, paviedamlajecca, što padvieści kančatkovyja vyniki nielha: nie staje aficyjnych źviestak hałasavańnia pa dvuch učastkach (u tym liku na ŭčastku, raźmieščanym u internacie Medycynskaha kaledžu).

3.10. Kamanda Askirki—Antusieviča padazraje, što ŭłada vyrašyła «naciahnuć» hałasy dla Siaŭko. Askirka, jaho davieranaja asoba i Antusievič śpiašajucca da internatu, kab pieraškodzić mahčymym falsyfikacyjam.

Poŭnaściu hety artykuł možna pračytać u papiarovaj i pdf-versii "Našaj Nivy"

Hutaryŭ Aleś Kudrycki

• 0
• 0
• 0
• 0
• 0
• 0
• 0
• 0