Čatyry ź dziesiaci chłopcaŭ z majho biełaruskaha adździaleńnia rasčaravana pakinuli jaho.
Ale ciapier, kali z prahramy vykidajucca tvory «niačesnych» aŭtaraŭ, a katedra biełaruskaj litaratury dałučanaja da katedry mitalohii, tyja časy zdajucca załatymi.
Ličycca, što na fiłfaku vučycca prosta. Asabliva chłopcam. Nia budu asprečvać hetyja tezy, bo mušu adkazvać tolki za siabie. Vučycca sapraŭdy, pry prykładańni minimalnych namahańniaŭ, było niaciažka. Na pačatkovych kursach dziela pierapaŭzańnia da dalejšaha «ŭzroŭniu viedaŭ» dastatkova było prosta svoječasova źjaŭlacca na ispyty. Kali bolšaść dziaŭčat hibieła pa čytalnych zalach nad letapisami j chronikami CHII st., ja čytaŭ Sartra i Razanava (za letapisy zasieŭ značna paźniej). Nia budu prysabiečvać status hałoŭnaha abiboka j raździaŭbaja patoku — byli j horšyja, — ale pa vyviešvańni siaredniaha atestacyjnaha bału majo proźvišča akazałasia nižej za siaredzinu śpisu.
Varta skazać, što «adkos» ad vojska nia byŭ samametaj majho pastupleńnia na «fakultet niaviest». Z apoviedaŭ tych, chto vučyŭsia na pačatku — u siaredzinie 90-ch, fiłfak ujaŭlaŭsia asiarodkam usiaho biełaruskaha j niezaanhažavanaha. Ź jaho vyjšła pakaleńnie adukavanaj, nacyjanalna zaradžanaj moładzi. Chtości ź ich vykładaje tam i ciapier. «Ale los skłaŭsia tak…»
Pryhadvajecca epizod ź pieršych dzion navučańnia, kali lektarka, zaviaršajučy ŭstupnuju pramovu, patasna abviaściła: «Darahija kalehi, filolahi, kali łaska, pytajciesia razmaŭlać pamiž saboj pa-biełarusku».
Pry sapraŭdy hruntoŭnaj navukovaj bazie, jakaja ź pieršych kursaŭ udzioŭbvałasia ŭ našy hałovy, vyvučeńniu leksyčnaha składu movy, stvareńniu ŭłasnych tekstaŭ (ese, recenzij), pierakładnickaj dziejnaści nadzialałasia minimum uvahi. Sa sta dziesiaci čałaviek biełaruskaha adździaleńnia (ciapier nabor pamienšany da 75) nie było j dziesiaci, jakija «pytalisia» b razmaŭlać miž saboj pa-biełarusku. Ciažka skazać, ź jakimi pačućciami členy DEK na čale z A.Padłužnym słuchali vystupleńni abaroncaŭ dyplomaŭ, kali tyja adryvalisia (adchilalisia) ad padrychtavanych referataŭ dla padziaki j adkazu na pytańni. Nia viedaju, jak zaviecca taja mova, ale peŭna, što nie biełaruskaja.
Poŭnaściu hety artykuł možna pračytać u papiarovaj i pdf-versii "Našaj Nivy"
Anatol Ivaščanka,
sakratar Sajuzu piśmieńnikaŭ
