Dzie miesca dla kvartału čyrvonych lichtaroŭ?
Miensk — eŭrapiejskaja stalica. Hetaja fraza ŭsio čaściej i čaściej hučyć z vusnaŭ aficyjozu. Jaki sens układajuć u hetuju frazu čynoŭniki, zdahadacca niaciažka. Plon ichnaha razumieńnia bačyć kožny žychar i hość stalicy. Heta čyścinia vajskovaha placu i padśviečanyja fasady. Ale eŭrapiejskich stalic nie byvaje biaz brudu. Jarkaha i prynadnaha. Brudu seks-šopaŭ, hiej-klubaŭ, pip-šoŭ i bardelaŭ. Brudu Socha i placa Pihal. U pavajennym manumentalnym Miensku jość miesca dla žytła, dla pracy, dla špacyru, ale tolki nie dla płocievaha adpačynku. Cikava, što skazali b architektary-dojlidy 1950-ch, kali b daviedalisia, što samaja znakamitaja stajanka prastytutak mieścicca la padnožža manumenta Pieramohi? Hetaja hrupa dziaŭčat časam nahadvaje niesankcyjanavany ŭładami pikiet, jaki, adnak, nichto nie źbirajecca razhaniać. A dzie ž u Miensku moža być kvartał čyrvonych lichtaroŭ?
Valancin Akudovič, filozaf: Nia centar Miensku. Heta nie dla našaj mentalnaści. Chiba dzie-niebudź na ŭskrainie. Ja b heta bačyŭ dzie-niebudź u addaleńni ad Miensku. Nu, skažam, u rajonie Ćnianki. Kvartał adnapaviarchovych domikaŭ, vioska čyrvonych lichtaroŭ.
Michał Aniempadystaŭ, mastak: Tradycyjna kvartał čyrvonych lichtaroŭ byŭ na vulicy Čyrvonaj. Jana tamu tak i nazyvajecca. Heta staraja, darevalucyjnaja nazva. Tamu na novaje miesca pieravodzić ja nia baču sensu.
Aleś Ancipienka, filozaf: Na vulicy Čyrvanazornaj. Nazva takaja i duža spakojny taki, pryvabny, ramantyčny zakutok horadu.
Lavon Volski, muzyka: Na praspekcie Mašerava, u rajonie «Jubilejki». Bo heta viadomaja stometroŭka.
Adam Hlobus, piśmieńnik: Pa-pieršaje, dzie ŭ nas što jość? Kali ŭ nas u restaracyjach dzieŭki tancujuć, to tut uźnikaje pytańnie — dzie my možam heta skancentravać. Chutčej za ŭsio, heta vulica Karła Marksa. Heta vulica pavinna być u centry, kab da jaje možna było pieški dajści. I nie na praspekcie. A chto paprecca na Mašerava? Možna, viadoma, naahuł zrabić rezervacyju ŭ rajonie kinateatru «Aŭrora». Ale heta nie vyrašaje prablemy. Usio roŭna ŭsie dzieŭki stajać u mianie na płoščy Pieramohi.
Poŭny varyjant artukułu čytajcie ŭ hazecie "Naša Niva"
Hutaryŭ Źmicier Bartosik
Kamientary