Novy prezydent Ukrainy nazvaŭ adnosiny ź Biełaruśsiu składanymi. Adnoj z hałoŭnych prablem dačynieńniaŭ zastajecca dahavor ab dziaržaŭnaj miažy, za ratyfikacyju jakoha ŭ Miensku patrabujuć zapłacić 180 młn zapazyčanaści. Dahavor byŭ padpisany dvuma prezydentami jašče ŭ 1995 hodzie i ratyfikavany Viarchoŭnaj Radaj.
Spačatku ŭ Miensku spasyłalisia na marudlivaść z ratyfikacyjaj parlamentam, ale potym pryznalisia, što ŭviazvajuć hetaje pytańnie z zapazyčanaściu, pamier jakoj u Kijevie asprečvajuć. Paśla niekatorych biełaruska-ŭkrainskich sustreč na roznych uzroŭniach pačała źjaŭlacca nieaficyjnaja infarmacyja, što biełaruski bok nibyta hatovy «restrukturyzavać» hety doŭh. Ale ŭžo ŭzamien na nabyćcio va ŭłasnaść učastku ziamli ŭ Krymie dla budaŭnictva niejkaha specabjektu. Jak miarkujuć, uradavaj rezydencyi. Ujaŭlajecca małaimaviernym, što tema takoha raźmienu budzie raźvita za prezydentam Juščankam.
Zdajecca, u Kijevie tak i nie zaŭvažyli niezvyčajnaha reveransu biełaruskaha premjer-ministra Sidorskaha, jaki samy pieršy pavinšavaŭ Juliju Cimašenku z naznačeńniem vykanaŭcaj abaviazkaŭ kiraŭnika ŭradu. Naprykład, viarchoŭny pradstaŭnik ES pa sumiesnaj zamiežnaj palitycy i palitycy biaśpieki Chaŭjer Salana i rasiejski premjer Fradkoŭ pavinšavali premjer-ministra Ŭkrainy Ju.Cimašenku z zastupleńniem na hetuju pasadu tolki paśla taho, jak Viarchoŭnaja Rada jaje zaćvierdziła. Tak naležyć.
Poŭny varyjant čytajcie ŭ papiarovaj i pdf-versii hazety "Naša Niva"
Kamientary