Miensk vyłučyŭ čatyroch pretendentaŭ
Uviečary 13 krasavika na siadzibie BNF prajšła Mienskaja kanferencyja pradstaŭnikoŭ demsiłaŭ. Abirali pretendenta na adzinaha kandydata na vybary-2006. Uładzimieru Kołasu prapanavali zhadzicca z umovami pahadnieńnia ab supracy, jakija padpisali S.Kalakin, A.Labiedźka, A.Milinkievič i S.Šuškievič. U.Kołas «byŭ nie hatovy», i jaho nie ŭklučyli ŭ śpis pretendentaŭ. Usich čatyroch padpisantaŭ vyłučyli ŭ «nastupny tur». Najbolš hałasoŭ (61 z 73) nabraŭ S.Kalakin. Milinkievič — najmienš (51 hołas).
Lohki abviarhaje Felhienhaŭera
Kiraŭnik pres-słužby prezydenta Pavał Lohki abvierh vykazvańni maskoŭskaha analityka Paŭła Felhienhaŭera pra mahčymuju damoŭlenaść A.Łukašenki i U.Pucina nakont abjadnańnia Biełarusi i Rasiei — z metaj supraćstajańnia aksamitavym revalucyjam. «Na pres-kanferencyi paśla sočynskaj sustrečy prezydenty vyčarpalna raspaviali, ab čym išła hutarka, i pra padobnyja prajekty ci pražekty razmova naahuł nie viałasia», — reziumavaŭ sp.Lohki.
Čarnobylski šlach — 2005
Šeścia 26 krasavika nia budzie. Zamiest jaho arhkamitet «Čarnobyl-skaha šlachu» padrychtavaŭ tysiaču asobnikaŭ zajavy-zvarotu da prezydenta, u jakoj patrabujecca spynić vytvorčaść sielhaspradukcyi na zabrudžanych terytoryjach, skasavać abmiežavańnie na vyvaz dziaciej za miažu dla azdaraŭleńnia i admianić prymusovaje raźmierkavańnie studentaŭ u čarnobylskija rajony. Arhkamitet zaklikaje ludziej prynieści zajavy a 18-j na vuł.Marksa, 38 dy ŭkinuć u skryni dla zvarotaŭ hramadzian. Planujecca taksama mitynh la Čarnobylskaj kaplicy ŭ rajonie vuł.Karastajanavaj.
Reforma AAN
Delehacyja Biełarusi pradstavić svajo bačańnie refarmavańnia Rady Biaśpieki AAN. Prapanujecca zachavać u AAN Uschodnieeŭrapiejskuju hrupu dziaržaŭ i vydzielić joj dadatkovaje miesca niepastajannaha čalca ŭ Radzie Biaśpieki. Ajčynny MZS padkreślivaje, što biełaruskaja schiema zasnoŭvajecca na ŭzhodnienaj pazycyi krain-udzielnic Ruchu niedałučeńnia ab nieabchodnaści pašyreńnia Rady biaśpieki z 15 da 26 siabroŭ.
«Hazprom» pahadziŭsia
Pastaŭka rasiejskaha hazu ŭ Biełaruś i jaho tranzyt cieraz terytoryju krainy ŭ 2006 h. budzie adpaviadać sioletnim umovam. Ab hetym damovilisia ŭ Maskvie hiendyrektar «Biełtranshazu» Dźmitry Kazakoŭ i staršynia praŭleńnia AT «Hazprom» Alaksiej Miler.
AH, BiełaPAN, interfax.by, svaboda.org
Kamientary