Показы озвученных по-белорусски фильмов пройдут в Барановичах и Бресте
Кіно па-беларуску прыходзіць у рэгіёны! Запрашаем на паказ у Баранавічах 10 кастрычніка (пятніца), і ў Берасці 11 кастрычніка (субота).
Будзем глядзець залатую класіку сусветнага кіно: фільма «12 раз’юшаных мужчын». Уваход вольны!
«12 раз’юшаных мужчын» — класіка сусветнага кінематографа. Гэты рэжысёрскі дэбют Сідні Люмэта па праву лічыцца адной з лепшых карцін стагоддзя, мае найвышэйшыя рэйтынгі і абавязковы для вывучэння ў кінаакадэміях усяго свету. Займае 2-е месца ў спісе лепшых судовых драм па версіі AFI (Амерыканскі Інстытут Кінамастацтва)
12 прысяжных павінны вырашыць, ці забіваў падсудны — падлетак з трушчобаў — свайго бацьку. Калі яго вінаватасць прызнаюць, хлопца чакае электрычнае крэсла, калі не — вызваленне. Згодна закону рашэнне мусіць быць прынята адзінагалосна. Справа здаецца відавочнай, 11 чалавек галасуюць «за» вінаватасць і толькі адзін выказвае сумнеў і прапануе абмеркаваць усё яшчэ раз…
Рэжысёр: Сідні Люмэт
У ролях: Генры Фонда, Лі Джэй Коб, Марцін Болсам, Джэк Уордэн і інш.
На беларускую мову агучвалі: Павал Харланчук, Алесь Малчанаў, Уладзімер Глотаў, Сяргей Жбанкоў, Зміцер Рачкоўскі.
Дзе і калі:
У Баранавічах: 10 кастрычніка, вуліца Паўлава, дом 12, пачатак а 20.00.
У Берасці: паказ адбудзецца 11 кастрычніка, у суботу пасля заняткаў курсаў Мова Нанова, прысвечаных тэме «Кіно». Заняткі пачынаюцца а 17:00, кіно пачнем паказваць каля 18:00
Адрас: вуліца Леніна, 50, будынак кавярні Le Phare. Ніжняя зала (адразу ля ўваходу ёсць лесвіца, па якой трэба спусціцца ўніз).
Сейчас читают
«У сына на телефоне были наклеены флаг и герб России. С этого все началось». Отец школьника из Барановичей рассказал, как его сына травили одноклассники24
Комментарии