«Бонда», «Мроя», «Новае Неба» и еще три ВИДЕО минского рок-клуба начала 90-х
Раритетные видео минского рок-клуба «Немига» из коллекции Владимира Зайченко впервые опубликовал Tuzin.FM.
Колішні прэзідэнт рок-клубу згадвае, што першае паседжанне рок-клубу «Няміга» у 1985 годзе здымала БТ з ініцыятывы Сяргея Вінаградава. На відэа сябры клубу слухаюць і абмяркоўваюць запісы гурту «Магістрат» на магнітафоне «Тэмбр».
Першы беларускі рок-клуб арганізавалі Вітаўт Мартыненка і Анатоль Мяльгуй, апошні яго ўзначаліў. Напачатку ў клуб уваходзіла восем гуртоў, сярод якіх была і «Мроя» (продак N.R.M). У 87-ым прэзідэнтам клубу абралі Уладзіміра Зайчанку — яго кандыдатура была зручная, бо ён быў фактычна сам-сабе-гуртом і не стаў бы «цягнуць коўдру» на нейкі гурт.
«Бонда» — «Тата мае рацыю» (1986)
«Акцэнт» — «Курапаты» (1990)
«Новае Неба» — «Вочы ваўчыныя» (1991)
«Мроя» — «Ноч за вакном» (1993)
Рок-клуб ладзіў штогод па два фестывалі: дзень народзінаў Рычы Блэкмара ў красавіку і дзень народзінаў Джымі Хендрыкса ў лістападзе. Тройчы прайшоў фестываль «Тры колеры», чатыры «Рок-Рынгі», «Сустрэчы на Доўгім Бродзе».
Васіль Шугалей (ЫЫЫ) дае інтэрвію Ягору Хрусталёву (1991)
Паседжанні клубу праходзілі ў пакоі ў Камвольным камбінаце, затым у ДК Чыгуначнікаў, потым наогул на прыступках кінатэатру «Мір». Канцэртнай пляцоўкі клуб не меў. Рок-клуб скончыў сваё існаванне ў 2003 годзе, ў яго выйшла нямала славутых сёння музыкаў.
Аблічоўка і рэстаўрацыя запісаў — Алесь Сямашка.
Комментарии