«Bonda», «Mroja», «Novaje Nieba» i jašče try VIDEA minskaha rok-kłubu z pačatku 90-ch
Rarytetnyja videa minskaha rok-kłuba «Niamiha» z kalekcyi Uładzimira Zajčanki ŭpieršyniu apublikavaŭ Tuzin.FM.
Kolišni prezident rok-kłubu zhadvaje, što pieršaje pasiedžańnie rok-kłubu «Niamiha» u 1985 hodzie zdymała BT ź inicyjatyvy Siarhieja Vinahradava. Na videa siabry kłubu słuchajuć i abmiarkoŭvajuć zapisy hurtu «Mahistrat» na mahnitafonie «Tembr».
Pieršy biełaruski rok-kłub arhanizavali Vitaŭt Martynienka i Anatol Mialhuj, apošni jaho ŭznačaliŭ. Napačatku ŭ kłub uvachodziła vosiem hurtoŭ, siarod jakich była i «Mroja» (prodak N.R.M). U 87-ym prezidentam kłubu abrali Uładzimira Zajčanku — jaho kandydatura była zručnaja, bo jon byŭ faktyčna sam-sabie-hurtom i nie staŭ by «ciahnuć koŭdru» na niejki hurt.
«Bonda» — «Tata maje racyju» (1986)
«Akcent» — «Kurapaty» (1990)
«Novaje Nieba» — «Vočy vaŭčynyja» (1991)
«Mroja» — «Noč za vaknom» (1993)
Rok-kłub ładziŭ štohod pa dva fiestyvali: dzień narodzinaŭ Ryčy Błekmara ŭ krasaviku i dzień narodzinaŭ Džymi Chiendryksa ŭ listapadzie. Trojčy prajšoŭ fiestyval «Try kolery», čatyry «Rok-Rynhi», «Sustrečy na Doŭhim Brodzie».
Vasil Šuhalej (YYY) daje interviju Jahoru Chrustalovu (1991)
Pasiedžańni kłubu prachodzili ŭ pakoi ŭ Kamvolnym kambinacie, zatym u DK Čyhunačnikaŭ, potym naohuł na prystupkach kinateatru «Mir». Kancertnaj placoŭki kłub nie mieŭ. Rok-kłub skončyŭ svajo isnavańnie ŭ 2003 hodzie, ŭ jaho vyjšła niamała słavutych siońnia muzykaŭ.
Abličboŭka i restaŭracyja zapisaŭ — Aleś Siamaška.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary