Работу шведскай мастачкі Караліны Фалькольт папрасілі прыбраць жыхары дома, на якім яна была змешчана.
Жыхары мегаполіса мелі магчымасць палюбавацца на экстравагантную выяву, якая з'явілася на Каляды, усяго тры дні. Пасля яна знікла, піша The Guardian.
Першапачаткова, дарэчы, графіці з чэлесам не планавалася. Але калі на доме непадалёк мастачка намалявала на ўсю сцяну похву, то зразумела, што без яго ніяк.
«Я ніколі не чула так шмат смеху і не бачыла так шмат шчаслівых твараў як калі малявала гэтае графіці», — напісала Караліна, калі работа над выявай чэлесу была завершаная.
Да незвычайнага арт-аб'екта ўсе паставіліся па-рознаму.
«Нам такое не падабаецца», — заявіў гаспадар пральні, што знаходзіцца па суседству.
Турыстка з Таронта назвала графіці «візуальным дамаганнем».
Студэнт мастацкай акадэміі, размешчанай паблізу, выказаўся так: «Некаторыя мяркуюць, што гэта і ёсць сучаснае мастацтва. Мяне графіці не абражае, але і не хвалюе, я не збіраюся марнаваць шмат часу на думкі пра гэта».
Іншыя ацанілі яркую палітру малюнка. «Колеры робяць яго вельмі мастацкім. Я пасмяялася, але ў сябе [на доме] такога не хацела б», — пракаментавала дзяўчына з Лос-Анджэлеса.
Мастачка адрэагавала на рэакцыю грамадскасці і далейшае зафарбоўванне графіці па-філасофску. «Мастацтва — адно з апошніх месцаў, дзе мы можам быць сапраўды свабоднымі ў абмеркаванні складаных тэм», — сказала яна.
Цікава, што да выявы жаночых палавых органаў прэтэнзій ні ў каго не ўзнікла. Імаверна праз тое, што малюнак атрымаўся даволі абстрактным.
Комментарии