Вот такой «Белорусский вечер» в Лондоне: водка, селёдка, «Харошкі»
«Падзялюся ўражаннем ад свайго наведвання падзеі «of celebration of Belarusian and food, music, film, poetry, literature, and more» у Лондане», — піша ў сябе ў фэйсбуку беларус, аўтар «Нашай Нівы» Алесь Герасіменка, які цяпер вучыцца ў сталіцы Вялікабрытаніі.
«Падзея была незвычайная тым, што была арганізаваная ў адной з лонданскіх сінагог. Ды не простай, а Reform! Я трапіў на падзею, бо арганізатары хацелі бачыць кагосьці з Беларусі.
На ўваходзе ў сінагогу мяне сустрэў хлопец, апрануты ў стылі танцораў ансамбля «Харошкі». Ён па-расейску з акцэнтам прапанаваў мне пакаштаваць хлеб з соллю. Такую рэч я бачыў толькі ў тэлевізары. Я сказаў, што ўжо добра павячэраўшы, і прайшоў у залю.
Reform-сінагога аказалася вельмі падобнай да школьнай актавай залы. У зале стаялі сталы, а за імі сядзелі прадстаўнікі лонданскай габрэйскай дыяспары. Пераважна, па выглядзе, пенсіянеры. Яны елі селядзец і запівалі яго канешне ж… гарэлкай. Уваход каштаваў недзе 30 рублёў.
У зале таксама быў арганізаваны бар. Выбар быў не вельмі шырокі: кампот альбо гарэлка.
Я ўзяў кампот, прайшоў да свабоднага стала і сеў, чакаючы на заяўленую беларускую музыку, паэзію і літаратуру. Да мяне падышла арганізатарка, якая сказала, што я адзіны беларус на гэтым вечары.
Перформанс пачаўся з прэзентацыі дабрачыннага праекта, які арганізаваў гэту падзею. Праект завецца The Together Plan. Яго ідэя простая: багатыя лонданскія габрэі маральна і матэрыяльна дапамагаюць бедным габрэям з Беларусі, які перажылі Халакост.
На экране з'явіліся фоты жанчыны з Віцебска, якая выглядала на гадоў 70. Пачаўся расповяд пра беларускіх габрэяў і Халакост.
Пасля пачалося знаёмства з Беларуссю. З яго можна было зрабіць выснову, што ў Беларусі жыло шмат габрэйскіх мастакоў. Там таксама і п'юць шмат vodka, і заядаюць яе сялёдкай і крэкерамі. Прагучала некалькі музычных кампазіцый: габрэйскіх і расейскіх. Таксама я даведаўся, што шмат амерыканскіх галівудскіх дзеячаў паходзяць з Расіі. У Беларусі была мяжа аседласці, пасля рэвалюцыя, пасля Другая сусветная і Халакост, пасля быў Чарнобыль.
Уласна беларускай культуры тычыўся толькі адзін момант вечара: верш Купалы, зачытаны хлопцам з «Харошак». У астатнім выглядала, што Беларусь — гэта такое месца, дзе жыло шмат габрэяў, але ўсе ўжо з'ехалі альбо былі забітыя. Некалькі, праўда, засталося, і іх трэба тэрмінова ратаваць. У Беларусі таксама любяць габрэйскія спевы і танцы, расейскую музыку, савецкія рэчы і гарэлку. Таксама там ёсць некалькі дзіўных людзей, якія пішуць вершы па-беларуску.
Вось такая Беларусь.
Наступны вечар «пра Беларусь» адбудзецца ў Лондане 8 красавіка».
Сейчас читают
Ее не хотели брать в музыкальную школу, а в 14 она сыграла в Карнеги-холле в Нью-Йорке. Белорусская скрипачка — о жизни в Лондоне, заработках и чем скрипка Страдивари за 14 миллионов евро отличается от обычной1313
Комментарии