7 апреля — «Академкнига» приглашает на встречу, посвященную книге «Колер Беларусі» Михала Анемподистова
ОК16 (вул. Кастрычніцкая, 16). Пачатак а 17.45.
Апынуцца ў атмасферы гукаў і сэнсаў «Колера Беларусі» Міхала Анемпадыстава можна будзе 7 красавіка ў прасторы Ок16 у межах Фестывалю інтэлектуальнай кнігі «Прадмова».
А 17-й гадзіне адбудзецца ўзнагароджанне пераможцаў прэміі імя Анемпадыстава за найлепшую кніжную вокладку. Адразу пасля цырымоніі а 17.45 пачнецца творчая імправізацыя з удзелам акцёра Рамана Падалякі і музыкі Зміцера Лук’янчыка «Чуць. Бачыць. Разумець» паводле кнігі Міхала Анемпадыстава «Колер Беларусі».
«Колер Беларусі» — захапляльнае падарожжа ў Беларусь праз гісторыю і сучаснасць колераў. Гэта адна з першых спробаў прадставіць беларускую мінуўшчыну і сучаснасць праз яе яскравыя колеры і адценні, прыродныя структуры, народжаныя пад уздзеяннем трох стыхій.
Гэтая кніга стала апошняй вялікай працай выбітнага дызайнера, мастака і паэта. Яна не толькі адкрывае новыя веды пра колеры, але і вучыць «думаць вачыма». «На маю думку, гэта ўсё можна чытаць невербальна. Проста разглядаць гэтыя карцінкі на ўзроўні пачуццяў і асацыяцый, упадабанняў. Ці наадварот, штосьці можа не падабацца. Гэта цікавы і патрэбны занятак, якім мы рэдка займаемся. Мы развучыліся думаць вачыма …»- распавядаў Міхал Анемпадыстаў.
Увечары 7 красавіка мы паспрабуем аб’яднаць словы, вобразы і музычныя імправізацыі, каб здолець убачыць, пачуць і зразумець сябе праз свет колераў, гісторыі і культуры.
Падчас імпрэзы можна будзе набыць кнігу.
Таксама набыць яе ды іншыя новыя выданні і бестселеры, можна ў кнігарні «Акадэмічная кніга» (пр. Незалежнасці, 72).
РУП «Акадэмічная кніга» УНП 101462648
Комментарии