5 красавіка ў Нацыянальным цэнтры сучасных мастацтваў (пр-т Незалежнасці, 47) а 18-й адкрыецца выстава, прысвечаная 55-годдзю з дня нараджэння Міхала Анемпадыстава.
«Колер Беларусі» — захапляльнае падарожжа ў Беларусь праз гісторыю і сучаснасць колераў. Гэта адна з першых спробаў прадставіць беларускую мінуўшчыну і сучаснасць праз яе яскравыя колеры і адценні, прыродныя структуры, народжаныя пад уздзеяннем трох стыхій.
Гэтая кніга стала апошняй вялікай працай выбітнага дызайнера, мастака і паэта. Яна не толькі адкрывае новыя веды пра колеры, але і вучыць «думаць вачыма». «На маю думку, гэта ўсё можна чытаць невербальна. Проста разглядаць гэтыя карцінкі на ўзроўні пачуццяў і асацыяцый, упадабанняў. Ці наадварот, штосьці можа не падабацца. Гэта цікавы і патрэбны занятак, якім мы рэдка займаемся. Мы развучыліся думаць вачыма…» — распавядаў Міхал Анемпадыстаў.
На выставе можна пабачыць візуальную частку гэтага даследвання — аб’екты, якія з’яўляюцца носьбітамі ўлюбёных колераў беларускай культурнай традыцыі.
Міхал Анемпадыстаў — мастак, дызайнер і паэт. Яго не стала 24 студзеня 2018. Ягоныя вершы, праспяваныя ў Народным альбоме і «Новым небам», сталі народнымі, улюбёнымі.
Выстава будзе працаваць да 16 красавіка ад 11.00 да 19.00 штодня, акрамя панядзелка.
Цана білета:
поўны — 5 руб.
ільготны — 2 руб.
Даведкі па нумарах: (017) 235-03-31, 243-24-68.
Сейчас читают
«Что, грохнуть детей Тихановской, чтобы обратили внимание на мою проблему?» Как тупой комментарий активиста Дениса Дашкевича создал ему проблемы в Польше28
«Что, грохнуть детей Тихановской, чтобы обратили внимание на мою проблему?» Как тупой комментарий активиста Дениса Дашкевича создал ему проблемы в Польше
Он напоминает морского ската: американский стартап создал самолет без привычных крыльев и иллюминаторов, который может стать новой страницей в авиации11
Комментарии