Топ-5 детских книг, на которые издательство «Голиафы» объявило скидки
Выдавецтва «Галіяфы» робіць вялікія калядныя зніжкі ад 21 снежня да 8 студзеня. На 70 пазіцыяў выдавецтва вызначаны кошт у 2 рублі. Прыемныя зніжкі і на кнігі 2019 года, у прыватнасці дзіцячыя.
Міхась Зізюк. Таямніца гары Міндоўга
Ігнат, Стась, Мікіта і Юля — неразлучныя сябры. Разам з настаўнікам яны спазнаюць знакамітыя мясціны навагрудскай зямлі, спрабуюць разгадаць сакрэт гары Міндоўга. Куды прывядуць пошукі — распавядаецца на старонках кнігі. Для сярэдняга школьнага веку.
Лілія Ільюшына. Ключ дарог. Пачатак
На свеце ёсць месца, адкуль пачынаюцца ўсе шляхі і дарогі Сусвету. Той, хто валодае Ключом ад яго, можа абудзіць даўно паснулыя сцежкі ці назаўжды закрыць шлях да шчасця. Джым выяўляе ў сабе здольнасць кіраваць дарогамі, а ў свайго сябра — дар бачыць смерць. Яны выпадкова даведваюцца, што непрыемнасці ў іх мястэчку — справа містара С., вядомага бізнесмена. Вось толькі як справіцца з ім, калі ён і ёсць Гаспадар Дарог, да таго ж звязаны са старажытнымі ведзьмакамі? Для дзяцей сярэдняга школьнага веку.
Карла Калодзі. Прыгоды Пінокіа
«Прыгоды Пінокіа» — адна з самых вядомых у свеце гісторый для дзяцей, якую пераклалі на дзясяткі моў і чытаюць на розных кантынентах. Аўтар твора — журналіст Карла Ларэнціні, больш вядомы нам пад псеўданімам Карла Калодзі.
Аповед пачынаецца словамі: «Жыў-быў…» — толькі далей гаворка ідзе не пра караля ці прынца, як бывае ў казках, а пра незвычайны кавалак дрэва, з якога майстар Джэпета выразаў марыянетку — драўляную ляльку, і даў ёй імя Пінокіа.
Пінокіа, які мог рухацца і размаўляць, нарабіў клопату ўсім. Гарэзлівы, непаслухмяны і ўпарты, ён трапляе ў розныя непрыемныя сітуацыі. Драўляны хлопчык праходзіць доўгі і складаны шлях сталення і ўрэшце робіцца добрым, разумным і міласердным.
Таццяна Тамілава. Феі
Ці бываюць беларускія феі? Што яны робяць? І як выглядаюць?
Менавіта з імі, феямі, якія прыйшлі з беларускіх міфаў, і знаёміць кніга юных чытачоў. Кожная фея мае свае заняткі, свае непаўторныя рысы і якасці, што надаюць ёй казачную вабнасць. А ўсе разам яны робяць гэты свет прыгожым і дзівосным.
Эрык Карл. Вельмі галодны вусень
Гэта дзіцячая кніжка з малюнкамі амерыканскага пісьменніка Эрыка Карла — гісторыя вусеня перад яго ператварэннем у матылька. Кніга на кардонных лістах, яркая асаблівасць — наяўнасць дзірак у кардоне («праедзенных» вусенем).
Агульны наклад арыгінальнай кнігі склаў больш за 30 мільёнаў асобнікаў, яна стала адной з самых прадаваных у гісторыі. Кніга мае велізарную папулярнасць у англамоўным свеце, заваявала шмат узнагарод і была перакладзеная больш чым на 50 моў і пастаянна фігуруе ў спісах найлепшых дзіцячых кніг.
Для дашкольнага веку.
Усе кнігі выдавецтва «Галіяфы можна набыць па адрасе: Няміга, 3, цокальны паверх, бокс 47 альбо праз інтэрнэт-краму.
Комментарии