«Patria y vida». На Кубе непривычно популярным стал антикоммунистический хит
Некалькі музыкаў кубінскага паходжання, сярод якіх вядомы дуэт выканаўцаў рэгетона Gente de Zona, выпусцілі на гэтым тыдні эмацыйны хіт з антыкамуністычным зместам.
Песня называецца «Patria y vida» («Радзіма і жыццё»), і гэта зменены вядомы слоган часоў рэвалюцыі Фідэля Кастра. Той гучаў як «Patria o muerte» («Радзіма або смерць»).
Сярод выканаўцаў новага хіта ёсць кубінскія рэперы з дысідэнцкага калектыву, што стаў натхненнем для акцыі пратэсту супраць рэпрэсій каля Міністэрства культуры ў Гаване летась у лістападзе.
Тэкст песні распавядае пра нецярпімасць дзяржаўнай ідэалогіі, далярызацыю эканомікі на Кубе, недахоп ежы і масавую эміграцыю маладых кубінцаў, якія не бачаць для сябе будучыні на востраве.
Відэакліп хіта за чатыры дні сабраў паўтара мільёна праглядаў і выклікаў бурныя дыскусіі ў сацсетках, піша Reuters.
Кубінскія дзяржаўныя медыя і чыноўнікі адрэагавалі на «Patria y vida» шквалам крытыкі ў сацсетках. Па іх меркаванні, новая песня не патрыятычная і не мае мастацкай вартасці, а яе выканаўцы проста спрабуюць рубіць бабло сярод эміграцыі ў Маямі.
Як тлумачыць Майкл Бустамантэ, выкладчык гісторыі Лацінскай Амерыкі ў Міжнародным універсітэце Фларыды, песня дэманструе ўздым выражанага негатыву супраць кубінскага ўрада сярод больш маладых пакаленняў мігрантаў з Кубы.
Але яна адгукнулася і тым, хто яшчэ жыве на востраве, асабліва моладзі, якая з часу з’яўлення на Кубе мабільнага інтэрнэту два гады таму ўсё больш гучна выражае сваё незадавальненне сітуацыяй у краіне.
Сейчас читают
Помните Даниила из Офиса Тихановской, которому за два дня собрали деньги на онкологическую операцию? Ему написал тот самый одноклассник, который его ударил — с чего все и началось3
Комментарии